出乎意料的噢畸喎﹗睇吓一集睇吓一集添﹗
- 係啦，港劇文就係唔分段，不理前文後理用bullet point寫低晒就算啦，哈哈﹗
- 雖然我是ok睇李潤城的(<<<人家明明叫李民浩嘛…我當咗李潤城係佢真名咁叫﹗XD)，不過就係得佢一個…金喜善個名聽咗好多年，但沒看過…其餘的人…唔識﹗再看這張PS技藝比較…頹…的poster…呃﹗
- 最大的問題，是…又係穿越？你唔悶我都悶啦﹗淨係今年，齋計我有睇的都已經有《王世子》和《泡醫》了，三套連續三季咁落…我想嘔﹗(仲有無記《回到三國》和我自己無啦啦在翻睇的《尋秦記》呢﹗)
- 跟住又係醫生穿越古代喎﹗雖然今次有啲新意係女醫生穿越了(上面套套都係男人穿越喎﹗)，但實在好難唔諗起《Dr. 煎》…睇大橋…嘩﹗又係現代醫生穿越古代，跟住又係扶助明君咁呀﹗
- 第一集一開始講曹操和華佗既事跡我忍不住笑了…《回到三國》都有華佗出現喎﹗
- 維基話呢，《信義》開拍的時候因為故仔和人物大橋太似《Dr. 煎》，於是大執過嚟，劇名亦從原來的《神醫》變成《信義》(泡文發音都一樣的)，呢個改動都幾精妙的，神醫是指穿越了的現代醫生，信義包含的就更多，阿崔英(李潤城((XD)))以武士信義擔保送番劉恩秀(金喜善)回現代，應該都會係咁講呢班武士啲情和義啦，看樣子和殿下和崔英既君臣之情，古代和現代醫生之間的醫德諸如此類，如果齋叫《神醫》又好似無咁大啦個picture
- 殿下恭愍王因為政治原因要娶元朝公主，呢條LINE看來有得做…睇睇吓我覺得我睇緊《快刀洪吉童》+《倚天屠龍記》囉﹗
- 呀，高麗時代的劇沒看過，so far睇親都係朝鮮時代嘛，終於唔使見到那頂我覺得會戴到生頭蝨的帽
- 高麗時代即係中國的元朝年代…咦…乜阿元國公主件衫似清朝多過元朝既？
- 呢位公主好熟口面…維基一吓先知…係《愛情雨》入個阿妹呀﹗(我已經唔記得角色名﹗哈哈哈)跟住趙日新(疑似奸臣)個樣又鬼咁熟口面…呀﹗《Dream High》個校長﹗
- 雖說劇本是大執過嚟，其實同《Dr. 煎》路線是差不多，不過醫生由男變女，武將由男二變男一咁解啫。但比起《Dr. 煎》，《信義》節奏快很多，也沒有陳醫生和洪姑娘啲扭擰
- 我幾鐘意《信義》交代劇情呢，你以為step fwd咗啦，點知又會無啦啦flash back交代番之前的劇情，睇完就會：呀﹗唔怪得啦﹗
- 同埋有啲情節會用動畫交代的…啲人跳吓跳吓咁好攪笑﹗
- 最唔怪得的係點解王妃同殿下會面左左…阿殿下一開始對住仲係公主的王妃訴說了自己點樣唔鐘意元國和元國公主，鬼咩，以為對方係高麗人，他鄉遇故之咪乜都爆晒出嚟，咁公主聽到當然唔開心…口黑面黑囉﹗我幾期待呢條line…呀…我啲副線病又發作﹗哈哈哈…(睇《Dr. 煎》我都係留意敬卓哥條line的嘛…不過呢套我爛尾了…)((後按：我已經睇晒啦﹗我好勁﹗))
- 今次穿越的方法唔係意外了，係有意圖的向天作法開了時光之門…跟住崔英走入去請來自上天的醫員去救王妃，因為王妃作為元國公主，如果死咗既話元國就有藉口攻打高麗的了…呀，真係長見識了…估唔到又睇劇學中史…
- 誤焦點了，呃，首先係穿壞去現代，個和尚以為佢拍戲先點佢去整容醫生度，之後再打電話問師兄係咪拍劇我忍唔住笑了…但套劇係正經架喎﹗
- 金喜善姐姐個角色竟然係開朗活潑(仲好嘈)的拜金女？哈哈哈(其實第一集尾佢去占卜自己幾時遇到如意郎君度有啲悶…)…點解佢會叫李潤城做阿豬shi架？我震驚了…囧﹗
- 李潤城個角色好多無奈咁，慢慢先交代番佢視向親父的師傅被上一個王害死(看來愛人也是因為王既侮辱而自殺)；跟住以自己武士的信義應承喜善姐姐醫好王妃就帶佢返現代，但又因為王命不能違而逼住背棄自己承諾，睇住佢寧願被喜善姐姐一刀筒死，跟住傷口又唔理咁一心求死是相當令人心up的說…(死…呢款角色我buy…越睇越似長期黑口黑面的昌輝王子﹗哈哈哈)
- 手術的部份…是必有的啦…但慶幸沒有《Dr. 煎》咁賣血…是可以忍受的啦…
- 如果我無記錯，《城市獵人》阿金娜娜係咪有整傷過李潤城？跟住《洪吉童》利祿筒過洪吉童…都是常見劇情吧？今次仲驚…喜善姐成大把武士刀筒落李潤城小腹度，仲要筒穿，之後再俾校長(看倌們會唔會覺得我啲人名打到好亂﹗哈哈)一野拔劍…咁都唔死﹗巧京京﹗尤記得《洪吉童》入面某人小腹中刀用草藥full了一晚後就行得走得，今次無咁離譜啦，雖然有現代醫術醫治，都叫做昏迷了一晚先醒…雖然崔英一醒又去執行公務了…
- 做手術時我仲諗會唔會有幾幕俾李潤城show body…呃…又無除晒衫的畫面住喎﹗
- 好神怪﹗請上天開天門俾崔英穿越已經神怪，跟住啲高手們都有內功，一係可BA一聲彈開人…一係可以高溫燒死人…武功高到嚇死人囉﹗
我覺得呢套係繼《洪吉童》後另一套十分有武俠劇feel的泡劇…可能係咁會係我杯茶…而《善良的男人》，我真心覺得可能有繼《愛情雨》後另一套老土到我想界爛櫈的劇…好危險…
以上，再續。
《信義》@維基/這篇心得很詳細的說…
*********************************************************
5/9/12 update：
嘩﹗阿中間分界院德君(？基哲？)呢頭話要將崔英據為己有，嗰頭又害慶昌君跟住又要屈崔英叛逆，呢幾集真係睇到眼火爆，阿殿下就繼續喺度冤口冤面，王妃自從想衝去基哲屋企失敗後就只有行行企企食飯幾味，同黑殿下的面，呢幾集我都係不停在諗：崔英幾時先被人屈完呀？佢好慘呀﹗
另外又無乜flashback交代吓其他劇情，啲人懶係耍計謀咁，勒住勒住好吊癮…呀，到了第8集阿殿下終於立定決心要做個真正的王，啊﹗崔英終於無事了…我終於唔使睇到想打人…傳說呢套劇有24集，唔覺唔覺做咗三份一…都舖完背景可以向前推啦掛…
慶昌君自己飲毒藥那段看得我好心酸啊﹗崔英一刀了斷咗佢又是一萬個心酸…嗚…(我又諗起《Dr. 煎》萬年無奈人敬卓哥…佢同崔英應該可以做朋友呢﹗)
last but not least，阿醫仙無咗啲工具仲點做手術呢？又說《Dr. 煎》都叫19世紀可以用古法做到現代藥物，咁高麗年代呢？竟然就係有張御醫(仲好好打喎佢)同啞女可做出具備各式現代藥物功能的草藥…好勁﹗
好期待基哲手上那套舊手術工具係乜野一回事，而崔英n年前個青梅竹馬走咗去王妃身邊又為乜呢…呀﹗好多吊癮的伏線呀﹗
下一篇：[韓劇]《信義》(~終於煲到24集了﹗)
*********************************************************
5/9/12 update：
嘩﹗阿中間分界院德君(？基哲？)呢頭話要將崔英據為己有，嗰頭又害慶昌君跟住又要屈崔英叛逆，呢幾集真係睇到眼火爆，阿殿下就繼續喺度冤口冤面，王妃自從想衝去基哲屋企失敗後就只有行行企企食飯幾味，同黑殿下的面，呢幾集我都係不停在諗：崔英幾時先被人屈完呀？佢好慘呀﹗
另外又無乜flashback交代吓其他劇情，啲人懶係耍計謀咁，勒住勒住好吊癮…呀，到了第8集阿殿下終於立定決心要做個真正的王，啊﹗崔英終於無事了…我終於唔使睇到想打人…傳說呢套劇有24集，唔覺唔覺做咗三份一…都舖完背景可以向前推啦掛…
慶昌君自己飲毒藥那段看得我好心酸啊﹗崔英一刀了斷咗佢又是一萬個心酸…嗚…(我又諗起《Dr. 煎》萬年無奈人敬卓哥…佢同崔英應該可以做朋友呢﹗)
last but not least，阿醫仙無咗啲工具仲點做手術呢？又說《Dr. 煎》都叫19世紀可以用古法做到現代藥物，咁高麗年代呢？竟然就係有張御醫(仲好好打喎佢)同啞女可做出具備各式現代藥物功能的草藥…好勁﹗
好期待基哲手上那套舊手術工具係乜野一回事，而崔英n年前個青梅竹馬走咗去王妃身邊又為乜呢…呀﹗好多吊癮的伏線呀﹗
下一篇：[韓劇]《信義》(~終於煲到24集了﹗)
竟然可以吹到咁大篇XD
回覆刪除信義個「신」字寫得好似中文「仙」, 又係幾有心思~~~
RE：火女
刪除吹水就是我的強項嘛﹗
重點是一句啫：崔英隊長好有型呀﹗~~~~~~~~(<--花癡中…)