[港劇]《造王者》…值得期待呀﹗

之前的《盛世仁杰》都仲未睇番既時候，柴九和肥貓又有新劇﹗好啦，兩位好戲之人應該值得期待呀，但當我見到呢張退地之後將人物貼埋一齊的poster…我笑了﹗特別係阿嘉年兄呀﹗啲邊都未退得晒囉﹗

• 作為一個前歌迷…我想話…首主題曲…好得人驚…一開始歌者就chur高音放聲大叫…um，或者佢將表達出大時代的豪邁之情，係我感受唔到…(繼《二嫂豪情》的主題曲之後…)
• 然後我看到監製的名字…是…梁材遠﹗即時諗起讓我回味回味又回味的驚世之作《紫禁驚雷》，原來之前《盛世仁杰》都係佢拍架喎﹗
• 啲女角，唐詩詠、楊秀惠、姚子羚﹗是幾咁《驚雷》啊﹗
• 被首主題曲嚇親之後，驚嚇之情不絕，張國強戴了個白色假髮就做鄭則士師父，黎耀祥阿爸(﹗)…而那時祥哥仔身邊的弟妹只是細路…做得祥哥仔女有突…咁佢阿爹…都好為人口增長而努力喎﹗啲人物既年紀攪到我好混亂…
• 呢對弟妹小朋友大個咗係鄧Honey和唐C詠…好神奇…
• 究竟祥哥和姚子羚呢pair驚啲，定歐陽波比跟胡囧/蓮達妹的組合京啲呢？
• 而阿姚子羚係鄭則士個女之餘亦是祥哥的青梅竹馬…呃﹗咁鄭則士個角色應該大祥哥一截了？﹗我又再混亂了﹗
• 想當年《鐵血保鏢》祥哥做大哥，姚子羚做四嫂咋喎…真係勁京囉…做乜祥哥個角色後生得咁交關？
• 看劇情說楊秀惠會同唐詩詠爭寵，咁姚子羚呢？佢條line linkup咗去楊次山(李國麟)之三姨太(這個是copy自維基的…)…呃…宋朝叫則室做姨太架咩？
• 之後兩位殿下，苑瓊丹演大殿下敖嘉年都有少少驚(I mean年紀上…)，更驚的二殿下黎諾懿阿娘係郭少芸…上一檔《愛回家》見佢地做完姑姪之後就變母子…巧京京囉﹗
• TBB專頁說阿大殿下行年28…咁阿郭少芸演既慧妃44歲，話佢16歲入宮…呃…咁個仔廿幾歲…唯有係咁講啦…啲數我唔識計了…
• 個角色介紹無黎諾懿既？反而有鄧Honey喎﹗囧﹗
• 原來話阿大殿下一開始係比較忠厚的，但後來會被金人擄走十年…oh…所以兩個造王者會twist掉了…oh… 黎諾懿的二殿下是奸那個吧…(其實我和娘係幾ok like睇佢的…)
• 第一集係祥哥企喺二殿下那邊，鄭則士就係大殿下太傅…但睇劇情介紹之後又會掉轉喎﹗好煩呀…(睇睇吓又說佢地會和解喎﹗)
• 前一套《回到三國》做完劉備，轉個頭就變奸國舅， 李國麟勁紅…
• 無記真係好鐘意將啲人不停重複，唐C詠+郭少芸+田蕊妮先喺《瘦薪兵團》度出現…而家又嚟過…雖然杜太太個造型係幾清秀，睇落是舒服的。

寫住咁多先，聞到一陣雷味，會繼續觀察~(笑)