《DIVA華麗之後》/《喜愛夜蒲2》

看我係幾咁支持香港電影﹗哈哈哈

發現兩套戲係有共通點…就係都有蘇永康客串的說…而套戲入面佢都係叫阿公的…囧﹗

(其實是呢輪好鐘意星期日去看早場，咁唔係套套戲都有早場嘛，本來想看《低俗喜劇》但場次唔啱…就貪得意日光日白去睇《喜愛夜蒲》…睇吓點解會咁收得咁囉…)

WELL，其實對《DIVA》第一吓我印象麻麻，因為睇《BATMAN》(都係歡樂早場﹗哈哈)時被逼聽了主題曲5次以上…首歌唔係差但咁被逼聽聽到好想殺人…呃﹗而我對於容天后的演出…呃，只能說佢係比劉華更本色演技，無論合《蘋果咬一口》、《神經俠侶》定係而家《DIVA》，無論講對白語氣表情其實都係一個容天后…所以看到劇中杜先生說女主角阿J除了唱歌就乜都唔識時…我心諗…句對白使唔使咁中呀﹗

片中有經理人杜先生都好鐘意使橫手，搶衫(阿公係幫歌手搵衫的，而被搶衫的阿FI好嬲的又摑人又爆粗…真係辛苦予﹗我想知微博有無俾SPONSOR錢？係咁玩微博喎﹗)，爆料…又同監製夾定等阿RED(林欣彤)同男友(陳家樂)反面咁…佢覺得係為咗啲囡好，但當阿J成長到咁上吓時有另一種想法，最終被逼到自殺((諗起翁美玲…突然…)…心突然沉了一沉…咦，出乎意料的看得投入…推銀度很低喎﹗

呀，開頭我以為這是容天后自傳來的，但除了用容天后演唱會的片段又唱佢自己歌和名字都是JY之外…大概只有是成了天后做了當紅女歌手一樣吧。個角色確實係為容天后度身訂造，私下傻傻地咁，因為佢係演自己，於是佢演得舒服我睇得舒服…XD

幾鐘意套戲用三個女角做對照，容天后是紅咗掉轉頭想做普通人追度普通愛色，林欣彤是開始走紅要面對失去自由和戀情，跟住冼色麗(謝博友資料提供…冼是演J的助手…)是紅唔到在邊緣掙扎，仲要係最灰的…出賣肉體那種…OH

又說，片入面竟然無出現那首我被逼聽了5次的新歌，反而用拍MV時播了《歌姬》…呢首好聽喎﹗

**********************************************************************
其實我唔喜愛夜蒲的，曾經跟友人都老蘭看看，覺得好嘈好多，實在參透唔到去玩的樂趣…(XD)

呃，咁又說我本來係想睇埋杜先生另一套頗受讚賞的《低俗喜劇》，但場次唔啱而我又想搵啲野睇…咁求其啦…《夜蒲》啦…

呃呃，連詩雅演豪放有錢女真係幾入型入格…再諗起之前報導啲相…佢真係好喜愛夜蒲的嗎？

呃呃呃，有人說上集出現的DADA在《低》片表演不錯，第2集的MIA…表情好生硬…佢同AVIS兩個面口生硬鬥生硬…呃…

呃呃呃呃，想點呀？有錢女(連詩雅)跟窮小子(關楚耀)愛情故事，有錢女阿爸反對，有錢女為了愛情寧願被阿爸經濟封鎖都要跟窮小子在一起，跟住阿女為了搵錢就被前男版呃上時鐘酒店，窮小子以為佢唔自愛攪到流產，有錢女搵佢講過幾次不果就死心。跟住窮小子先發現原來自己誤會了有錢女，老蘭人眾人眾志城城的幫窮小子追番有錢女…嘩﹗好娘…(有錢女跟窮小子在浴缸纏綿一幕…想點呀？特登濕身((咁佢二人肉搏程度唔會如劉羽琦跟沈震軒咁勁嘛…))又唔想租水車…所以喺屋入面攪掂算了？)

呃呃呃呃呃，前面說MIA跟AVIS的感情線，一個就係為阿爸腎病的私鐘妹，跟住一個係被老細欺壓，睇唔過眼私鐘妹被欺負而同老細反面的跟班…好娘都係…

呃呃呃呃呃呃…見到沈震軒和金剛即刻覺得睇緊無記(XD)…沈生的眼線…香港都興畫架咩？

呃呃呃呃呃呃呃，呢套戲我係咁推銀…唉…早之晏啲都去睇《低俗喜劇》啦…

另一篇：條條大路通《羅馬浴場》