秦始皇帝的永恆國度．尋秦記．秦俑

其實春秋戰國史我麻麻地的，看這個展覽基本知識是來自…《尋秦記》和《秦俑》呀﹗呂不韋是郭鋒，李斯是陳國邦，秦始皇是林Lone…趙(朱？)姬是姚盈盈…然後又好想唱歌：焚身廁所~~~~~~~~~~~~~~~~~~~~~

(好在我地無被趕出去啫…笑)

(左：爆晒光…Sorry…但呢個Q版兵馬俑可以經過touch screen選身上衣服的顏色…好有趣…)
(右：我最鐘意的V字合照…笑…)

左：雖然小的常自稱是歷史人，但老實說國史我最鐘意睇的是清史，遠古啲去到宋都ok既，之前的朝代細節，除了電視劇熱拍的…大部份都還番晒俾Miss了…春秋戰國仲講緊方溫仔讀架嘛，除了某上文學會讀的《楚辭》、《詩經》呀咁(仲有篇「五十步笑百步」呀﹗)，真係唔記得了…真係唔好問我春秋有乜國家(戰國七雄都仲背得出既…)…更加不要問我秦國消滅六國的次序…哈哈哈﹗就係唔記得於是留心睇講次序的展板啦…發現…(燕)王喜…XDDDDD…本人的誤焦點極度嚴重…

右：真係好神奇，過咗二千幾年，啲文物仲可以keep得咁好，兵馬俑極詡詡如生，裝飾物做得極精細，跟住啲泥偶都相當細緻…究竟當年點做出嚟既呢…

左：好肥美的燒鵝…(笑)…
右：Cute爆的兵馬俑囉﹗

呢個展覽除了看文物，仲有好多短片睇，啲graphic和資料presentation都好生動有趣，唔知係咪《清明上河圖》開創了電子卷軸式的presentation方法，跟住展館有一部份弄成白色長廊，跟住兩邊screen連住地下影住西安兵馬俑現場的樣子，好像置身現場咁，好有趣的說，友人說覺得好似《仁醫》農夫叔叔咁捲進歷史洪流囉…哈哈哈

 而，我唔知啲小朋友明唔明啲內容，而我都唔明點解啲人係咪都舉機喪影，有啲直頭在拍片(﹗)…跟住有啲位個係角位暗藏一個電視機在播介紹片段…唔知點解啲小朋友在喪爬…這…是HIGH爬？﹗囧﹗跟住我又偷聽到一個哥哥仔說「入到嚟梗係唔係睇歷史啦，呢啲喺屋企睇都得，入嚟梗係睇文物啦…」…都係既，但啲文物就係珍貴在佢地既歷史價值喎﹗如果唔係擺了幾千年…搵鬼睇咩﹗可以分割的嗎？


個人最喜歡這兩組顯示當時工人整兵馬俑和陶馬的模型，由造個別肢體到裝埋一齊然後再搬走，好細緻。看真一點，工人身上的衣服、肌肉(有啲直頭打出八月十五﹗)，連表情都做得維俏維妙…只做個迷你版真的太浪費了﹗這組忍不住看了很久同埋喪影…哈哈哈﹗

我有口話人無口話自己了…

如果看倌們有時間也去看一吓吧。
*********************************************************************

在我努力而又出得慢既《我最喜愛港劇回顧》系列有一篇是預定會mention《尋秦記》的，呢套實在係太出色了，行展覽時一路講一路講講到我自己都好想再睇過…太可怕了…難得的是好多人都睇過，唔似《神鵰》咁無知音人呀﹗

讓我貼一吓古先生這本大作的內文，唔止我，連佢本人都覺得楊過和項少龍在古大人演譯下幾乎同佢老哥連成一體，要不是小的一早中了《神鵰》的毒，小的可能會將古大人最出色作品一票投給《尋秦記》的說…XDDDDD

這首《天命最高》也可說是古大人歌手生涯中水平最高的一首(雖說是粉…有時啲野都要憑良心講架…我真係講唔出《今期流行》好聽囉…《像我這一種難忍》都幾難忍架﹗)，一聽到個intro啲笛聲，就忍不住準備跟住唱：誰和誰…~~~~~~

我記得細個應該有睇過羅家良套《秦始皇》(大地在我腳下﹗吼﹗國計掌於手中﹗吼﹗)和《呂不韋》，亞記播的，我只記得朱(趙？)姬好似係寧靜做…咁…呂不韋就是張鐵林演啦喎？完全唔記得啲人腳，只記得好好睇…那水祖國啲歷史劇如《康熙大帝》、《孝莊秘史》、《雍正皇朝》呀咁，都仲未一味追求華麗華麗和華麗，應華麗就華麗，故仔係好紮實的兼顧到正史和野史，雖然啲演員未必靚仔靚女(有時仲臉如死灰添…)…但追看性異常的強…OT了…um，即是說，以前睇落的都係正正經經的歷史劇，又真係無睇過套好似《尋秦記》將現代俚語帶番去古代，出嚟竟然係咁爆笑，然後啲人物發展又俾佢講得通喎﹗最爆笑梗後最尾項少龍發現自己個仔係項羽…和那句shit…XDDDDDD

據說當年古大人唔妥處處都疑似是無記捧嚟接自己棒的林Lone(又據說唔唱K係同古大人拍MV時被古大人發現然後向無記推薦才轉為演員的…二人…又真係…幾有共通點…哈哈哈)…anyway，當年林Lone大人雖然無而家咁英偉…但係演小無賴盤兒和後來要忍心殺掉亦師亦友的項少龍時表現都很到位的，點解而家演孔明先生反而…不甚了了…點解呀？

又點解同樣係將現代野撈落古代人度，《回到三國》爭咁遠呢…都幾灰的…新劇竟然及唔上十鬆年前的舊作…呃…

唉呀﹗講到我自己都好想再翻睇添﹗
舊文：熱煲系列3~：古天樂先生
點解古裝劇表達時間飛逝的方法是鬍子？
[港劇]最喜愛的回顧~3~古裝片(非武俠劇類)

*********************************************************************

乜咁爆《秦俑》又叫《古今大戰秦俑情》？套戲呢，我有印象是因為：

1. 《歡樂今宵》改了做《焚身廁所》﹗﹗﹗哈哈哈哈﹗
2. 《賭俠》呢，星星(星祖？唔記得啲名啦…)同大軍(也唔記得個名…)鬥用特異功能讓對方有幻覺時，大軍竟然變了《秦俑》的冬兒著住紅衫back住首《焚心以火》…

套戲的劇情我只大概記得是男角吃了長生不老藥，女的死了轉世現代相見，令個男的回憶秦朝時童男童女求長生不老藥咁…有啲《我和殭屍有個約會》feel添原來…

原來《秦俑》是李碧華的小說…囧﹗(嚴重的後知後覺…)…當年睇睇埋《大紅燈籠高高掛》、《秋菊打官司》等片，覺得鞏俐姐都係古裝比較好和俏麗，直到而家…無論佢著住幾時尚的晚裝…都總覺得娘娘地…囧﹗

好了…等我去回顧吓啲劇和戲先…閃啦~~~~