[丼局者迷]翔太 + 碗屋、八吉、一風堂、HOLLY BROWN

7月號被我拖拖吓去到8月先出添…嘻嘻…

這回最奇妙的事是，我們幾個人分頭到店家，竟然都在LIFT口或內見到同一對母子在又上又落唔知想點咁…好爆炸…

um，說回食物，我點的是旁邊的三色丼，價格150蚊(+10%)，跟旁那個澎湃很多的差上百幾二百蚊，看樣子是少一點魚生吧…呃，飯是很少…好少可有個飯我是食唔飽…笑。雖然飯是不太多，還好魚生和海膽份量都ok，加埋個烏冬都ok既。最唔ok係遲上的蒸蛋，硬得好像食芒果布甸…大囧…

定食加埋有雪糕和咖啡，不過不失啦。

湖舟>>五箇山>>鮨福助>>壽司廣>>翔太>>壽司德 >>旬菜富

翔太@開飯

上一回：[丼局者迷]五箇山 + 納納雜

****************************************************************

不知何解開了閃光燈，於是影出來是有點樣衰。

話說呢，夏天係要食鰻魚嘛﹗(係上日文堂課書講的，唔關某人事啦)咁講講吓大家拉大隊去食囉。這個鰻魚飯定食真的很不錯，齋睇份量已經夠豪爽(價錢跟樓上個食唔飽的三色丼不相上下﹗)，但食完真係元氣到不行(笑)…鰻魚肥美到不行啊﹗於是小的充滿力量的去玩囉…

看開飯頁原來這家八吉是做沖澠菜的，滿有趣，可以再挑﹗

極速ENCORE：[丼局者迷]今村、天膳+八吉、稻庭烏冬****************************************************************

碗屋放題是聞名已久不過未有機會試，咁啱有飯腳拉隊去試就去囉~

放題呢，N年前食過稻穗亭(好似已摺…)和銅記的郎田，價錢百零二百蚊上下，咁食物…就…梗係比較…有香港特色…(笑)，即係熟食比較多，咁任叫嘛，壽司刺身都係啲騎呢樣的東東…咁一心去食餐慒既話都OK既，反正一定多野揀多野食…






上面幅圖係咪好癲呢﹗哈哈哈﹗一行七人嘛自然叫得多。精選一點，個人覺得左邊四個最開心，鵝肝多士(雖然對隻鵝嚟講係好唔人道…UMUM)、海膽/吞拿魚手卷(是迷你的)、魚生拼盤(為免人客們點餐死店家係有呢個ITEM點的)和個人覺得最靚的海膽三文魚子冷豆腐，賣相和味道都好唔錯的說~

反而每人一份的(汁煮？)鮑魚(有飯腳點了珍寶元貝)不甚了了…um…其他熟食都不錯，亮點是那個炒甚麼雜菌，好好味﹗

係個青口好難開殼，一開係隻瘦un茄青口時好灰…哈哈…

賣單大概是470蚊(好似差唔多？加埋一之後)一個人，價錢可挑萬豪酒店buffet呢，抵唔抵就各花入各眼啦，以齋日本料理嚟講碗屋這個都好多選擇，都食得好開心的說~
****************************************************************
我是娘的，我是前兩個星期先去食一風堂…哈哈。而我係未去試豚王的…XD

我暫時只試了一風堂豚骨和醬油拉麵(我是穩陣的…)至於聞名的赤丸和白丸未試過…我係咪應該試吓呢？

呃…第一個印象是…食唔飽﹗好細碗(係我咁細食都覺唔夠﹗)﹗碗麵上枱時熱騰騰的，但好快就凍了，之後個豚骨湯浮著一粒粒白色的…是…"瓊"了的油？我囧了…雖然呢兩個問題(我覺得是問題啦…)都好致命，但個湯幾合我口味(不過啲一粒粒有啲令我不安所以沒飲啦)，夏天食太濃的麵會一陣味架嘛個口，同埋麵身跟札幌拉麵(我講中環那家…賣飛佛﹗~)幼很多，跟住點菜時可選硬一點…噢﹗合晒我河車添…於是呢期去上泡文之前都去食一食…不過要加隻蛋…(又說我第一次點了溫泉蛋…要飲架囉隻蛋…THEN半熟蛋就很不錯…)…

因為就腳，非常適合上堂前食個快飯…我諗我會照樣食的…哈哈哈﹗
****************************************************************

同場加映：就係碗麵唔多飽之下仲有位去食甜品…好好味﹗個CONE﹗