[日劇]《魔女裁判》中場小感

 看來我是忠實土11粉絲了，自開檔以來我幾乎季季都有看的說。這檔《魔女》初看真係很有《Liar Game》和《SP》風格，但故仔我睇睇吓越睇越覺似《魔王》…咦…唔係富士架喎？

J家唔俾旗下藝人真身現官網，個人唔係變圖就係變畫，今回好點…生田斗真個樣係畫(有次長瀨智也係幅星星…囧…)。…但…個頭使唔使畫到好似十年無洗頭打晒蛇餅咁？

劇情其實很簡單，睇睇上面關係圖就明。不就是就柏木鏡子的謀財案，一班奇形怪相的人被選上做陪審員，而當事人柏木楚楚可憐咁既樣，背後卻有個奇怪律 師和奇怪集團，佢地無所不用奇極地威逼利誘陪審員，等柏木夠支持無罪的票數。一連三集都係睇奇怪集團點樣威逼利誘一班陪審團，咪話，幾恐怖架，身有屎的就 給查了出來大做文章，無的都做到有…嘩…劇情說美國一向有呢類專業團體…嘩…我好驚啊…

(其實我係好好奇同埋想試吓做陪審團的說…哈…究竟日本的法庭係咪真係咁free？一休庭啲陪審團就入休息室仲可以中場討論意見添…啲法官仲會就佢地既問題解釋吓咁，咁好既？)

開首說似《Liar Game》，首先係配樂既曲風和用法似，另外係Liar Game呢個遊戲和今回的陪審團有一點點樣似，上回目的睇每個遊戲邊個嬴一億，今次就睇究竟柏木鏡子會唔會被判有罪…同埋其中神秘集團點樣威脅各個陪審 團…佢地起人底起得勁清楚，其實應該做正行開私家偵探啦﹗

好了，來說一吓我的看點：某斗大人﹗(花痴病毒終於發作了﹗)話說佢個角色係吊兒郎當的designer(但係自由業者啫喎…)，講說話嬉皮笑臉，跟住啲衫又著到鬼五馬六…突然睇唔慣添…(啊…呢啲其實係粉絲個人意見…和套劇沒關係的…哈…)但去到第3集吉岡(啊，這是個角色名…)開始感覺到魔女的異樣，決定不顧自己被脅逼認定魔女有罪那一野…啊…很《魔王》呀﹗即係邪惡一方係擺明車馬，而忠的一方也不是完全蒙在鼓裡，你追我逐的直至結局，咦…好緊張吓喎…

實在吉岡以堅定眼神說覺得魔女有罪那一野係相當有型的說…(花痴中…囧…)

陪審員之一的加藤愛今回演少婦，望著望著真覺時光飛逝呢，想當年《池袋西口公園》她可是做長瀨大叔的小女友…今回卻是有上幼稚園的媽媽…唉呀…(不過她演戲還無存在感真是多年如一…)

另一女角比嘉愛未於《code blue》演倔強女護士好搶，今回演吉岡的記者女友，被魔女叫去做獨家專訪，柏木魔女(石田百合子)一臉淡然的(又講，我上一部睇佢做的戲…02定01年 的《一夜夫妻要結婚》啊﹗嘩…好鬼多年前了…)，劇情來來是說本宮(比嘉)被攝住了，但演出來卻是一味目瞪口呆…well，表情和眼神方面真係仍需努力 呢…

實在成班陪審團個個都勁有特色，就算講唔出個名都up得出其代表顏色。跟住睇神秘集團個男人擰扭計"six"(我忘 了個字點打…囧…)扭去邊個色…個心就暗暗打量佢會諗出乜野毒招去攻擊佢…成件事好緊張…睇得勁投入…哈。不過，個黑色衫哥哥面部表情勁誇張，這個係有一 點倒胃的。

最後一句，其實我都覺魔女有罪的。以上。(9/1/12後按：終於都睇番個結局，我估中了…)

相關閱讀： 09春季日劇碎碎唸