商業英語3~天下文章一大抄

話說我司沒有寫手部，信件又好宣傳海報又好甚至係proposal也好，通通要萬丈高樓重地起，老闆交代過艾啲牙小的就要做打手，起稿容易落筆難，這時暗恨讀書時不努力…書到用時方恨少呀…

還好小的生於偉大的廿一世紀，自己墨水唔夠唔緊要，有谷哥大神嘛…快快上網找參考。

還好我不是從事創意工業，沒有人要求信件有原創性嘛…大家看重的還是語調和用字切唔切合寫的目的，唔識就要搵reference參照一番，懶係勁自己佢一篇出嚟反而仲衰…每每不知從何說起，光是第一句都不停打完又delete，delete完又打，打完又再delete…

初出茅廬時見哥哥姐姐們枱上放著一大堆business letter寫作大全、牛記大字典呀咁，心諗使唔使呀？唔識個字咪上網查囉，再唔係袋住部電子辭典係一機傍身世界通行…。幾年下來發現佢地係有道理架，牛記大字典入面有好多句例好多時網上字典係無的，雖然用實物啞老師就可以少咗新字的update，但用慣用熟查起上嚟真係快好多的。business寫作大全也如是，放定一本包羅萬有的喺枱面，要喺上嚟就揭揭揭，好過吓吓上網search，search呢又要讀上讀落睇吓啱唔啱用，睇得嚟已經花咗好多時間啦。有一本好的工具書放在枱頭，要搵也容易，同埋坊間很多書本都係中英對照的，不像網上search完英文又要搵中文，慳咗一半時間呀。唉…誰叫我司出的信件都要中英對照呢…

這時想起商大年代曾經上過個相關的course有本textbook係business writing的書，啦啦聲搵番放喺公司看門口啦。

另一重要reference是收收埋埋的各式信件。以前信用卡的迎新信、催繳信、通知書、coupon呀咁無用的話我係隨手掉的說。而家就有理無理都儲起佢先，需知道要自己憑空作封信都算，仲要作埋啲條款細節就真係想死…有得幾份參考吓先知有咩甩漏，最緊要係benchmark到成品夠唔夠專業嘛…始終係正 式信件…不能太頹吧…

有時真係完全唔知點寫，手邊一大堆reference還是搵唔到落筆點…真係好灰…看來我真係應該take番幾個communication的course呢…

記得有一次要譯菜譜(工作範圍係咪未免太廣泛呢﹗﹗囧)，真係被玩到謝晒，我國烹調的方式也未免太包羅萬有，煎炒炆燉我總算搵到英文啦，但啲材料呢？天呀…search search吓發現08奧運時祖國說要執靚啲食物的translation，這可真真幫了我不少…我借了很多來參考呢﹗哈哈。 這些…也不能避免不抄吧？我剩係識食…鬼識寫番英文菜名咩…(你叫我串桂花和菊花的英文名字我都會死俾你睇呢﹗哈)記起有個同事枱面有本食物辭典…我覺得我都要整定本喺枱面呢。

上文我不停說要放這個放那個在枱面做reference，還未計用來做brainstorming的各式雜誌喎…這個不能抄…係brainstorm﹗哈哈，於是我張枱係長期處於極度垃圾崗狀態，好恐怖。

唔知會唔會有人用我的成品拎去做reference呢？嘩…我會好有滿足感架喎…哈哈。

商業英語2~水蛇春
同你好熟咩~MSN商業英語