返紅日的壞處．放平日的好處

(好工整的題目啊…呵呵)

小的本身就不是節日狂熱者，不喜歡大時大節出街逼，更不喜歡那些時候俾商家佬砍到一頸血 (這是讀媽劇亭的後遺症嗎？因為…我都係砍到人一頸血的一份子…哈)。出來做事後又常要紅日開工，友儕聽到會不其然說「嘩…紅日都要開工？好慘喎…」…咁 會補番假，其實慘唔晒，好壞參半啦。

返紅日的壞處

當身邊同事都在holiday mood hea著等放工，同時plan定嚟緊假期去邊度玩時，小的卻要為打後幾天假期的OT準備，好些時候公司會俾人假期前夕早走，於是人去樓空…又得番我一個？﹗我係一個好可憐既…細撈累…嗚…

又因為假日要OT，基本上除了春秋二祭外其他節日都有OT，於是朋友約食飯成日都無我份(只能約平時的weekend囉…)…不其然暗下一驚…我會唔會無晒朋友架？還是我應該識番啲番shift的業界朋友呢？

又由於明明放假都要返工…咁…又無時間溫書啦…死啦…仲考乜鬼試？﹗嗚嗚嗚…

也不是盡是壞處既(最壞就係明明可以瞓晏點…卻要辛苦爬起身﹗之前有個星期六和日都要早起…要我的命﹗連續番16日工先有off…)，好處是假日回office可以避開我最討厭的電話攻擊﹗﹗其實我很enjoy假日在靜靜的office專心做野，平時明明預定了功課list，但就係不停有來電和醫貓打亂思緒，又會不停有新件湧入，最後day end時只能沮喪地哀鳴…明天再做啦…只是明日復明日，明日何其多…有拖無欠囉。

放平日的好處

首先，當然是不是避開人多周末唔使排隊食好野，每次放平日最重要的就係諗去邊度食餐好的﹗

吾博很多食相都係放平日歎餐好影下的。這是上星期補假的「食餐好」--大戶屋。

大戶屋的定食原來到下午茶時段仲會送野飲和雪糕，價錢一樣但多咗野食，感覺很良好呢﹗

只是配菜我不喜歡，椰菜我不喜歡，沙律我不喜歡，麵豉湯其實我也不喜歡…個人口味問題…這個大戶屋定食的薯飯和炸雞都很不錯…只是幾條通粉就有啲唔知做乜…卒之食剩很多﹗哈哈

此店定食唔算貴，我入到店內又有幾枱人係一條友食孤獨午餐…咦，咁我都唔算異樣喎…下次有機會再試埋其他定食﹗~

平日返工時間街上人唔多，走在街上有種很悠閒的感覺。到咖啡店坐坐看看書，忽然有種去旅行的relax感，好正﹗(所以其實我好鐘意返紅日等放平日啦﹗XDDDD)

係啦係啦，放平日壞處就係難約飯腳，成日都要食孤獨的午餐，有時身痕痕走去一個人看戲。但我又幾喜歡一個人看戲的感覺，實在我係有人喺身邊就忍不住撩人講野，自己一個人看更專注呢…

最大的壞處並不是一條友，而係人不在office，同事打直線搵唔到人就打手提(放一日半日無理由set out of office auto reply啫)，久而久之佢地想縮短搵本人的時間就直接打手提來…於是我的手提用量…09年才5個月…已經等如08年全年用量啦﹗(根據我睇番手機通話時 間紀錄而言…)…媽呀…爆咗通話時間多俾的錢我可以claim番公司嗎？

啊…一支針果然無兩頭利…這就是生活呢…啊…