呀呀呀…癡咗…XDDDD…um，我的生活態度就是無得揀就想有得揀，有得揀又嫌有得揀開始掛念無乜得揀既日子…
(這是一個tag文來的…哈哈)
曾經有段日子經常在灣仔出沒，天天都吃春園街一帶食肆，食開先知原來金鳳係名店…呃…真係有眼不識泰山喎…佢既奶茶(無冰放在膠杯裡的)好似係名物，蛋 tart雞批都好似係呀呵？真係失覺失覺…。well，對我來說，此店最正是門口那個有著極高威嚴的婆婆，閒時佢會收錢，lunch hour時佢就會座鎮門口指揮入座，「你…你呀？入去啦」…「未到你呀…佢地先…」…「(指住"佢地")你地﹗係你地呀﹗入去啦…」…咁的，聲如雄鐘 (aka：千里傳音)的指揮一堆又一堆的白領入座，好勁，飛都唔使派，但大家又會驚佢支笛完全唔敢亂嚟，更莫講話爭先own後啦…
入到去，啲伙記會9秒9攝埋嚟take order，客人就要喺電光火石間選定，於是多數都會選最大路的abc餐或常餐(小的幾乎是次次都係食常餐…)，然後再9秒9極速將所有食物端上枱，將張 枱舖得滿滿的，好神奇，那個極速…係極速過sky哥的﹗(頭搖又尾擺…飄移境界…)
食物嘛…哈哈哈，其實我食唔出有何獨特之處令佢成為名店架，反而我覺得那位德高望重婆婆和啲極速戰神伙記先係看點…(呀，講起嚟我都幾年無去過了…唔知個史大奧仲係咪咁呢？)
係，我既生活態度就係柯過，你極權逼我呢，我就掛住民主既美好；到好自由任我選時，我又覺煩開始掛住無乜得揀的日子…
就如，當年在灣仔返工時就嫌lunch時太多選擇覺得好煩，到而家去荒山野嶺返工無啖好食時就掛住以前美好的放飯時間…囧﹗
*******************************************
博友文：
我的生活態度……嚴選奶茶：檀島
生活態度 - 澳牛
舊文：聖誕快樂~兼春園街吃喝遊
金鳳D人真係好快，我在灣仔那邊返學，Lunch近近地會係春園街太原街一帶搵食，有次話想食金鳳，見到佢門口有條長龍，咁就決定買外賣返學校食，點知等外賣的時候，同我地差唔多時間到ge人都入哂去啦，不過人流係源源不絕，好似copy & paste出黎咁
回覆刪除Jasmine：
回覆刪除COPY & PASTE呢個比喻好妙，啲人又確係入去食同一樣既野(其實係MENU無乜得好選)，伙記做同一樣既動作…大家都做緊一樣既野…(入腦…)…
除了佢地早過太興出冰鎮奶茶，啲蛋TART又幾好味之外…其實…啲野食我又唔會特別老遠走去食…係咪我食唔出佢精妙之處呢？
其實呢間我從來都唔知佢響邊的呢！
回覆刪除17th Aug 2011 14:02 PM
我都因為經常嚟附近出入先知有呢家店啫…
刪除25th Aug 2011 11:01 AM
真慶幸我從沒需要在午飯時跟別人爭位，甚至沒吃過ABC 午餐。曾經有段時期，幾乎要過此等日子，我卻選擇留在公司吃乾糧，甚至不吃，也過得日子哦:P
回覆刪除domotoiceko : 唔知點解台灣偶像劇總是讓我覺得人腳ok(阿sa和賀小美都係靚仔靚女丫…)，但場景/戲服總係有點粗疏....
對啊對啊！大概就像TVB 吧，有成本控制。我為了阿Sa 才看那劇，但當中，她經常黑臉，又說是的士司機，她真是格格不入。我當下只想起，她因爲前夫而不高興:P
17th Aug 2011 19:47 PM
當時我的公司多數都好忙，好多時都要攪到過咗office hour先可以食個快飯，又或者星期六日要返嚟ot…幾個人hea住去食tea…好開心的…哈哈…
刪除tbb有咁大個廠唔用又浪費既，時裝的廠景都仲可以攪吓花樣，古裝的真係覺得一模一樣，特別係啲山洞，發泡膠石頭和布+沙舖出來的山路真係十年如一日的笑爆咀…
阿sa那套我睇了第一集…um…唔知呢，就係無特別令我想追看落去的地方…就算了…
25th Aug 2011 14:17 PM
路過忍不住要回應一下，我係灣仔番工，金鳳的史大奧仍如你所講，冇變過。唔知你有冇試過新景園，果位姐姐就完全handle唔到排隊的人龍。
回覆刪除18th Aug 2011 19:50 PM
係？咁就太開心了…我好多年都無去春園街食飯了…
刪除新景園食過一兩次…但無乜印象…
25th Aug 2011 14:19 PM