Cream

幫哥哥找女友 2006
作曲：Kenix Cheang 作詞：陳歷恆、陳炳洋

H: 如何幫哥哥找個女友 這是個動腦筋任務
R: 要是人太高 份人太蠢 我亦轉身就逃
K : 其實沒預料 未來女友 K+W: 肥定瘦高與矮計不到
K+W: 我喜愛是哪種 始終我未答到 無謂來令我難做
C+R: 想她有迷人賣相 C: 唱歌聲線悅耳明亮
K : 很可愛 但我夾不上 合: 有雙手也未拍得響
Cream: 哥哥點算好 K: 隨意兩個字 Cream: 應該要立志 W: 何以緊張不已

Cream: 我擔心你又呆望永不講愛意
K+W : 其實 清楚心中愛意 Cream: 錯失一次 然後了事 K+W : 錯失一次 還未透支
R: 請精挑細選 K+W: 還要夾八字 C: 為何還是無意 K+W: 明你的好意

Cream: 關心緊你先幫幫手揀女友 但你在等在誤時
K+W: 都不心急揀女友 或我隆重地草擬 Cream: 要是欠誠意 怕沒有人會 鍾意

K+W: 若然未合意 自然便沒有 在意
C+R: 有沒有誠意 盼望竭盡你 心思 K+W: 未情投合意 盡人事難道 滿意
C: 時常驚哥哥揀錯女友 我亦會是切身受害 會被人奪走 弄權在手 變做了階下囚
K+W: 如若是屬實 未來女友 常令你心裡悲會追究 K: 我都怕令你憂 我所以未挽手
K+W: 無謂來令你難受
H+R: 只不過閒聊地說 你不必要為我遲誤 K+W: 只不過 沒法去兼顧

K+W: 有好感也害怕辛苦 Cream: 有好感你別怕辛苦

--------------------------------------------------------------------------- 

某日搭巴士時看到Roadshow播Ceram的MV，當時在聽著我心愛的MP3，聽不到歌唱得怎麼樣；單看畫面就看得我雞皮疙瘩盡起。

左邊是Renee
右邊係Carpo
下面係Hilda

我應該無認錯嘅...我好努力認架啦...話晒姐姐有啲老花...

咁細嘅新生代組合我都識，我係咪好潮呢﹗~

話說這隊Cream打著香港最年少組合旗號進軍市場，今天看人家的Blog時說到她們這首新歌受廣東地帶頗受歡迎，又將於伊館開show云云。觀乎她們的十鬆啲歲嘅年紀和極富「青春本色」嘅歌路，當然唔係target本人呢啲老餅，唔係咁啱睇過個MV真係唔會留意呢隊組合。但對不起，我RPG細路極都投入唔到去欣賞佢地嘅image。

說起疙瘩，唔係話佢地唱得唔好(使在我都聽唔到首歌)，亦唔係講MV個畫面(我懷疑取景係喺某商場入面嘅food court)，係佢地嘅造型。呢三位小妹妹都係十頭年紀都幾尷尬，做細路太大做少女太細。不過導演就把心一橫推佢地做少女，在佢地稚氣未除嘅臉上就塗上比本人返工更濃的化妝，好明顯係over咗(個妝可比女歌手開演唱會那一種)，小朋友樣加濃妝艷抹，畫面係…well…配上一身頗MK少女嘅造型，出到呢好似細路扮大人咁，家陣細路興呢個trend架咩?我out了…

年紀小小做歌手唔係問題，睇日本Speed同Morning娘個個都係小學五、六年班就出道呢，不過造型應該襯番自己年齡，活潑可人咁咪得囉，唔好爭住扮太平清醮啲造型先得架，姐姐唔嚇得架﹗

PS:個人覺得Renee妹妹美人胚子初成，假以時日娛樂圈玉女將多一名猛將~(Oh…原來佢有份做《人間蒸發》)
PS2: 她們的Official HP做得勁PRO，超多野睇的說﹗(相比安室那個...)
PS3:比她們更新世代的Chips...真係好爆...
**********************************************
延伸閱讀(4/2/12後加)： 女孩的身體 (其實我唔記得呢篇係寫阿嬌被偷拍定李妹妹的濕身照事件了…哈)
今年新人特別多…
夢幻之聲…又係你地呀… (現在的李蘊妹妹經過便利濕身照一役後成為娛圈不死鳥之一…和夢幻之聲一樣永遠唔知佢有乜歌出，就係見佢喺報紙度穿穿插插咁囉…)
清影碟的雜碎文 (這是我唯一up得出佢有份參演的電影…《第一誡》囉…好睇的說﹗)

15/1/16後按：十年人事幾翻新之…李妹妹已經結咗婚…囧