[港劇]會友之鄉@《鐵血保鏢》

會友之鄉 馬浚偉 (鐵血保鏢主題曲 2006)

群英中　渴望上天多讚頌 若權力倚重　世上誰亦會心動

迎風不怕路途崎嶇作弄　命如在箭上流動
道別才遇上 伴隨著思鄉 路遙別慌張 

寄望天上 日夜尋路向 靜如大海中找到鏗鏘 直到天亮
多少風與霜 亦自強 得不到拍掌聲　覓真相 豪傑以盟約　再照亮 

日月歸於心那路向　尋覓到會友之鄉
望星空　盼浪潮早點散盡 若然敵不動　我亦無意去找弄 

群星中照耀著多少個夢　蕩如亂世在浮動
多少悲與傷　亦遨翔 得失總有獎賞　覓方向 承諾了盟約　永照亮 

日月歸於心那路向　成敗與榮耀共享
--------------------------------------------------------------------
其實我呢期有興趣嘅係《天幕下的戀人》(黃宗澤演得確生鬼，比《阿旺》中Micheal扮有型好得多)，不過因為呢幾日鬼咁晏先放工，返到屋企時都做完咁濟。基於本人係飢不擇食電視精，食飯一定要電視汁撈飯，於是每晚都睇大半集《鐵血保鏢》先捨得去沖涼；然而，這劇比我想像中好睇，唔覺唔覺日日都追吓。 哈，原來古代(其實都唔古…清朝啫)啲鏢局係咁運作(合吾合吾…) 故事又係老掉牙大家族兄弟爭繼承阿爸盤生意，同時好娘地又硬係有個仔無用(而多數係大仔)，一個硬係扮有勇有謀不過硬係over咗，而又硬係有個仔聰明 /孝順/專一/精明能幹(通常係細仔/二奶仔)，同時又實有啲煽風點火嘅親戚(《九五至尊》係郭峰做嘅舅父，今次佢升格做阿爸，留咗個位比劉江)。今次《鐵血》都係，而有用嘅仔同無用嘅仔排名分佈仲同《九五至尊》一樣呀(不過今次蔣志光做阿叔，衰仔留番比黎耀祥)，點解個個大家族都係咁架，悶…(看forum有人說格局像《雍正皇朝》，可是我沒看過，係咪真係咁似呢)。只係姚小姐，雖然比起《酒店風雲》時好多了，但演出還是有點生硬…

首主題曲更加入咗腦，曲同詞同個劇好貼切。次次馬先生啲劇嘅主題曲都係佢唱，而次次佢啲曲都好有水準吓，如前幾年《洛神》嘅主題曲同插曲，夠晒詩意。今次又夠晒豪邁，襯番成套劇啲男人，好型呀﹗

演員牌面其實唔太吸引(擔大旗嘅係馬小生和姚小姐，汗...)，不過其他主角和supporting都係無記綠葉骨幹(特別係long time no see嘅黃智賢)，演技確係不賴。如琴日講麥包捉奸，黃智賢走佬，雨中兩個men你追我逐加埋配樂成個過程勁緊湊，確係無記近期少有認真之作(so far都仲係，希望唔好虎頭蛇尾啦)，等我唔使野野煲舊劇~

看完的後記： [港劇]多少風與霜亦自強@《鐵血保鏢》