姿色份子

姿色份子 謝安琪 (謝安琪@Kay One 2005)
作曲/填詞/編曲：周博賢 監製：周博賢/林思聰

為何臉型淨白兼緊至 搜索減亂　便算喚舊時

手臂只有少許的鬆弛 已太丟臉　活著沒有意思
神奇　火山的技獻 同面團鎖緊水份去粉刺 

更有那彩斑修換店 人在世　無下次　全部要一試
不可思異　個個變姿色份子 　美太等於尊嚴 

纖體主義　擴散了整個城市 　如同亦正感染
終於　貝特馬莉亞麗塔艾美或翠思 每個相貌也極似　

全沒個性與自我的標誌 　倒模添置
若求令男士目光轉移　強作經驗　實太便宜 

近成就能持互相秉持　鬥美爭豔　實在沒有意思
時時想得真實點　常人搖身一變成舞得意 

各有各本身的特點　肥或瘦　圓或幼　無謂太刻意
不可思異　看看每週的雜誌　愛美標準一致 

纖體主義　灌溉這一個城市　全民就當恩賜
------------------------------------------------------------------------------------
講瘦身纖體….第一時間一定係諗到呢首…不過又太行…無奈都係呢首最貼題……..

現在減肥瘦身行業係香港成行成市…無孔不入的宣傳令女士認同瘦才是美…肥成了她們的大敵….LV地位大降….終生學習….減肥才是女人終生事業啊!!與此同時…亦有人大聲疾呼這股風潮扭曲女性自信心的建立…將內在美全盤外在化云云…才不…這股瘦身風氣帶來的好處多得很啊….你知道嗎:

有助傳媒之成長

有雞先定有蛋先?我唔知…我淨係知雜誌報紙要有廣告先掂…大家唇齒相依…從前97時經濟唔好…廣告商筆直cut得就cut…以前落開一版就cut得一格…嘩…唔怪得一本執完又一本…一份執完又一份啦….thank God…而家咁多瘦身廣告商….無論本書/份報紙target大人細路老人家都好…佢地都落廣告…仲一嚟幾廿版咁…嘩…傳媒有咁穩定嘅收入先可以定期出…我地讀者先可以有咁多選擇…仲係咁厚咁多選擇…買嚟睇agency點design啲廣告都抵啦~

生育率之上升

而家香港有好多事業女性…家庭事業兩兼顧…真係唔易架﹗…仲要佢地生小朋友?前四後六之後收身見人嗰度啲時間夠佢地搏殺多幾轉…話唔埋職都升幾次啦…又有啲女士怕自己生完從此同少女身型say goodbye…嘩…一路都肥就話啫…生完減唔番從此變咗肥師奶點見人呀…而家好啦…有咁多款式揀…快又得慢又得…總之實有一款啱晒你…等你做咗媽媽無耐就可以返工….呀….多好呀….又可以繼續家庭事業兩兼顧啦…唔怪得而家咁多女藝人都肯生仔啦…

藝人新動向

從前女藝人生了小朋友不是消聲匿跡就是息影嫁人…總之就唔知去咗邊…有好多我地關心嘅藝人就咁無咗影…Ohhh…話晒大家係公仔箱度日對夜對…建立嘅親切感就好似家人一樣架麻…好耐無見會掛住架麻…而家好囉…靠住呢啲瘦身廣告我地知許秋怡而家好好…楊羚三年抱兩真係恨死人…龔慈恩原來跳健都好得…李綺虹而家仲fit過選港姐時…還有…原來《城追》無做好耐啦….因為主持陳佩珊都做咗媽媽…Ohh…一時間long time no see嘅朋友全部出呢同大家say hello…keep contact嘅功效比起email更有效呢

建立港女自信

從前長腿定義起碼要有43吋…身體同頭比例要9比1…總之美女嘅定義就係一堆令姊妹們心傷不已嘅數字….而家唔怕啦…因為有纖體公司…佢地有辦法令人人有長腿(雖然能令腿幼了…不能增長)…豐滿咪咪(瘦身唔瘦胸…勁無?!)…無晒bye bye肉(咁仲有無人同人講bye BYE時會揮手)??姊妹們個個都可以自信地著泳衣…

考驗港男定力

繼港女成為亞洲世界索女後…港男同時受惠…因為到處都是誘人的瘦身廣告…無一個代言人不是以最性感的造型向大家分享她們的努力成果…不論男女都可以感受到她們的曲線是多麼誘人多麼令人艷羨!!!!!同時值得我們自豪的是我們的港男…他們面對地鐵中…紅隧口…馬路上…大廈外牆上型型式式的性感美女仍能行好他們的路…揸好他們的車…我們可沒有聽到什麼行人因為專注望某個瘦身廣告板而仆親…亦沒有聽過司機因為掛住望美女廣告板而撞車啊(touchwood)…太好了…香港真是人人愛了…

願上天眷顧我們…人人有得瘦~
**********************************
延伸閱讀：
女為悅己者容 19/5/06
好爆的妙極megadance：即係呢…