點解要大家BLOG

點解要大家笠 軟硬天師 (@車欠石更....1991)
作曲, 編曲: C.Y.Kong 監製, 填詞: 軟硬天師

Woo-ah.....Woo-ah....."找到真愛的秘密"男與女　

都要緊記 記得乜　記得乜　記得緊記  點解要大家笠 "我愛你愛到癲"
  交　交出你的　張開你的 親愛的　都緊記　點解要大家笠
"我un un....un un!"啦啦啦 人人人人無啦啦話呢支歌好聽 聽真啲 好驚好驚好鬼正
完全無愛既世界遲早瓜分 分分鐘會釘 "OH!"這個小島花花草草不再靚
番狗不會再跳　花貓不會再叫　乜都無癮無癮 

跳跳跳會跌　豬豬瞌晒眼訓　雞雞斷晒Q
一個無笠的世界你要"Q!" 衰佬摸地盤佬 傳比單眼佬　搞核突佬同個女教師
咁下一位幸運兒　豎起耳仔留意 真既笠　你要愛就要知
笠　好似本聖經　笠　要好尊敬 

可愛可靠膠雨衣　愛侶真啱key tell me why tell me why
點解要大家笠 "我再唱咯" 男與女都要緊記　

記得乜記得乜記得緊記　點解要大家笠
"快快試試"3分鐘的愛裡 要有笠　書包里公司裡 手袋里車廂裡　要有笠
監倉里荒島裡　要有笠愛可以種花 愛無分你我他　

愛會踢走細菌與困難 我不怕它 你也永遠不怕它
個個記緊呢一套"see!"香橙味凸紋 超薄型斜紋瑩光透明綠色夠環保

石磨藍鱷魚皮雕花麻布質地　個個i笠you o.k.
笠　好似本聖經　笠　要好尊敬 可愛可靠膠雨衣　

愛侶真啱key 點解　點解　點解要大家笠 "我再唱咯"
男與女都要緊記　記得乜記得乜記得緊記　點解要大家笠

"follow me one more time" "follow me one more time"
啦啦啦　人人人人無啦啦話呢支歌好聽 聽真啲 

好驚好驚好鬼正　完全無愛既世界遲早瓜分
分分鐘會釘 "OH!"這個小島花花草草不再靚 

番狗不會再跳　花貓不會再叫　乜都無癮無癮
再無聖誕節　跳跳跳會跌　豬豬瞌晒眼瞓 

雞雞斷晒Q 一個無笠的世界你要
"follow me one more time" Woo-ah...Woo-ah... 

找到真愛的秘密　3分鐘的愛裡要有笠
飛機里公園裡　要有笠 雞湯里香蕉裡　

要有笠 "找到真愛的秘密" 心底裡腰骨裡　要有笠
蝦餃裡啤酒裡　要有笠 衫借袋裡冬菇裡　

要有笠 湯丸裡巴士裡　要有笠  愛可以種花　愛無分你我他
愛似永生救世主要降臨 我不怕它　你也永不怕它
個個記緊呢一套 oh!Woo-ah...Woo-ah...找到真愛的秘密
-----------------------------------------------------------
有時間一定改首點解要大家blog出呢....我最近沉迷的不是何方靚仔...而係各方blogger的blog

呢期睇咗幾個blogger講blog的定義...自己點解玩blog....而我呢...

迷blog之前是迷forum...早餐/食飯/臨瞓前做嘅就係到各大forum看看看...留留留再儲分升level(我可不是打機迷...我只愛打低低bb的俄羅斯方塊)

不過網上世界就係好鬼有吸引力...你永遠唔知click入去有乜發現...唔覺意發現到新奇野真係開心死(例如本人啲無聊forward野...)...再唔係發現有人和自己志同道合...哈...可以開心大半日

升到一定的level就好像小學六年班時面上帶著高年生的自傲...(居然覺得)這可是一種成就...可恨...我試過兩次forum突然摺埋...儲的分升的level一時間付之一炬...感覺尤如買爛尾樓一樣...痛....

熱情冷卻了...發現了blog...原先係看人家icq info(那片小小天空曾經是我手寫我心小天地...)發現了xanga......比起狹窄的icq info...網上日記真係一個新大陸呀(當時我對blog的定義...都是兩年多前的事了)比Michael Jackson個Neverland還大呀...

看多了玩多了...開始真正了解blog係咩野一回事...有人還將它當作網上日記和朋友分享今日心情時...有人將它擴充為抒發意見平台..社會/經濟/政治/娛樂...無聊有聊形形式式任君選擇...慢慢才發覺...原來曾經常蒲的forum已個多兩個月沒有留言過...荒廢就荒廢吧...

現在算是還自己寫野的慾望(小時候曾有發夢做作家...不過寫出來的東西太見唔得人...最近搬blog睇番以前寫嘅野都係一句起兩句止...自己都唔知自己想講咩)和有個personal homepage嘅心願(試過做個安室和講舊歌的網頁...只是不是唔夠資料就係唔夠靚..放棄了)...有了BSP..我這種low tech的網民也可輕易做到自己的網...發吓自己的up風...慢慢...我又發覺我的ICQ info都成年無改過啦

有了blog...感覺好似有個屋企咁...去人地度玩得呢又有地方招呼人地(哈...我到底係一隻爛玩嘅雙子加自閉嘅巨蟹)

最近開始有隔離隣舍呢留言....超開心~~

唯一後遺症係掛住睇掛住打...夜了瞓覺...瞓覺沖涼個腦都唔停係度諗有咩可以寫(讀書時都無咁勤力...)...返工做野時又成日掛住睇...唔望一望更係心掛掛...

延伸閱讀：
我的遊網習慣…
網上世界的我…
自從我寫博後…

14/01/2016後按：ICQ已經摺咗啦﹗