掛住你

衣架 鄧昊天 (@昊天 2000...嘩...原來都成六年啦)
作詞：稻草人　作曲：稻草人　編曲：Edward Chan/Charies Lee

多得你相隨　快樂似雲裳起舞 誰讓我呼吸到空氣　親愛的太了不起
即使變很傻　抱著雪還能生火 攜著你一雙跟一對　可飛天遁地
不懂收起太多戀愛趣味 其實已經將宇宙擁在心裡
巴不得會飛　快樂留起 多高興可討你歡喜 然後每日　變得精彩 縱然你不相信
多麼驚喜　眼睛足可擁抱 其實已經將宇宙捧在手裡 一早知原因　快樂源起
當一切可討你歡喜 期待每日　做你衣架 能一生都掛住你

(17/01/14後按：嘩﹗唔係睇番呢篇野都唔記得有個歌手叫鄧昊天)
-----------------------------------------------------------------
掛野，除咗用衣架外仲可以用你條頸...

你今日掛咗未?

多得黎先生同和x電訊廣告，大家先知原來手提電話係可以好型咁掛喺心口，大家的雙手就free出來，可以un身un勢地唱《Sugar In The Marmalade》邊滑水同識女仔(Just to say hiiiii~)﹗

慢慢，我們都慣了掛野係心口，無論男女全民皆掛...

我們可以從小學生心口得知最hit的卡通片情報。八達通套/學生證套已壓倒性地贏了書包，以前hit《美少女》時我們會見小女生背著各式各樣的美少女書包，hit《星矢》時又會有很多小男生背著星鬥士書包(另一個indicator是筆盒/袋，可是我沒有千里眼看不出來...)﹗現在書包最hit的款是手拖式，取而代之就是八達通套/學生證套，掛在頸上唔怕唔見，令家長放心；卡套貴極都貴唔過一個筆盒掛，大人買的機會也大增；真係大人細路都放心，難怪個個小朋友都個，型型式式，而且有好多仲係我唔知係咩嘅卡通人物添(我out了)﹗(可能比個手提小朋友掛太招搖，比係掛八達通真係少好多喎)

我們又可以從少女OL們掛的東西知到最新潮流資訊，從前她們會掛飾物，現在還加上手提或MP3，如此我們可以知道邊個牌子最紅(看她們的頸繩係Pra打、姑池、Patrick仔定係西木西太后啦，這街頭survey準得很)；邊啲item最潮(除了頸繩，少女們的手提實有一大抽電話繩掛住，可能係卡通人物；又可能係某個Idol/劇集/電影帶起啲風潮，hit時總要人人有份，亦係一個準得很的人氣survey)；少不了就係睇埋個手機殼上面嘅裝飾，尤其是日本的少女，整得又閃又盛攪到部機係咩牌子都唔知...

少男們掛的東西雖然都不外乎手提或MP3，但從那部機的新舊程度，我們可以看到那個少男係咪一個愛整潔的人；部機的model可以看出該少男追trend追得貼唔貼；簡單呢講，就係知道呢個少男係咪御宅族。可幸，香港很多少男都很潮，從他們頸上掛著的東西就知他們很update，絕不電車...

打工族的頸上除了有手提/MP3外，還會見到他們的職員證，而這些職員證很多時都會用公司的卡套連同印有公司名的頸繩掛他們的頸上。我們可以看到這間公司的規模，要有相當規模的公司才有資源做自己的頸繩，同時這些公司的保安應該也相當嚴謹，需要員工帶著員工證才能進出公司，多多少少都可以看出那公司的作風，尤其是想轉工的打工族啊。碰上有些有字眼的公司頸繩員工又可以幫手為公司宣傳，真是一舉多得啊﹗

不要忘記太太們(為表親切，我姑且稱她們"師奶")，別以為她們盡心盡力照顧家庭就out了，很多師奶也追上掛的潮流，不過相比少女少男追潮流，她們是追得相當慳家的。雖則現在係彩芒嘅世界，但我們仍可見到很多太太們掛著伴隨她們多年但仍運作良好的單色芒機在她們的頸上(很多叔叔亦如是)。每每看見久違了的Nokia 8系手機都不其然令我懷念當年的日子，還有那條貪食蛇，需說現在的手機花款多，可以內置遊戲總不及這個元組級的好玩﹗不要笑她們out仲用單色芒機，我堅信慳家係置富嘅開始，時下年青人常換機，其實嗰度可以慳到好多個歐洲四天遊架啦﹗別人笑我太瘋癲我笑他人看不穿，你話我個電話out我話你個電話廢，其實手提都係用呢打電話啫，有幾多人會用得晒機入面所有分唇？

以搭車無野睇就望人地著衫襯衫嘅taste，而家就係睇人地掛咩野係頸度，已成為了taste指數顯示器了﹗

14/01/2016後按：自從興咗智能電話都唔興吊電話繩了﹗