《天生一對》...酒心朱古力

有過去的女人 楊千嬅
曲,編,監: 側田 (On Your Mark) 詞: 林若寧 編: 側田 (On Your Mark)
幾多打擊幾次跌傷懂得堅壯 最怕處事未曾成熟至扮強捍
幾多傷口幾個重擔在我肩膊
流淚 也說這是汗 全為要萬人看
好想飲泣偏偏今晚尚有工作
倦了都得這空房 及半邊冰冷睡床
當初多天真的戀愛試過嚮往
但嫁衣不再青春 沒法穿得好看
愛是最大寄望難免只得失望
根本不想工作至上做人硬朗

我用歲月去換嫁妝 但哪位在乎我 給我禦寒
說說笑笑匆匆交往試過幾趟 被愛都感到驚慌 未信天生有情郎
始終很天真想找我命裡主角 為了他主理清 令我掌心火燙
愛是最易去令女人死心失望 相戀分手擁抱放下例行動作 

再盡努力去換嫁 但我的心已慌 漸漸習慣不要伴侶 然而夜半惡夢乍醒抱著誰
強人活到八十歲 庭園怎麼寬敞都要獨居
真的不想死撐下去勉強說謊 請准許我軟弱 從此擁抱到天光 

某某抱抱也是理想 越去追越迷惘 花也漸黃
-------------------------------------------------------------------

因為宣傳海報上句「用最好的心情擁抱最壞的事情」...我決定點都要睇呢套《天生一對》...

故事係講一個女人悲劇...不過present手法則係輕輕鬆鬆(好多時仲嘻嘻哈哈)...sell樂觀積極(都好hardsell吓...不過我樂得照單全收)...同時sell乳癌知識...比起上次《千杯不醉》在攪笑和說教上舉棋不定...今次打正旗鼓...唔同你喊苦喊忽...笑中有淚咁就過咗90分鐘...印象深刻好多..也許...飲酒係一個我唔會投入嘅topic...

在一浪又一浪嘅笑料掩護(如阿頭唔俾人放假...哈哈)下...故事仍是苦澀...尤其是林家棟那個神醫...若然我係當事人可能我亦寧願俾人騙去買個希望(還是前男友做的好事...苦到要死...真係笑唔出)...說到底...這是女人大敵啊

看得我豁然開朗...係一個bonus...更令人喜出望外係大棚綠葉..由Bingo家人..肥舅父(好似第一次係大銀幕上見到佢)、李麗麗(都應該係第一次...)、艾威(又係第一次見佢拍電影)、郭少芸(已唔記得佢係Tbb有無同艾威做過夫妻..)...還有林雪、黃文惠、Benz雄、龔慈恩(係咪未去跳舞晒脂肪呢...少少殘呢)、張兆輝....嘩...陣容真係厲害....

覺得呢套戲就如一粒酒心朱古力....入口先甜後苦...不過食得苦中苦...方為人上人...唔好輕易放棄...亂咁燒炭呀香港人~

P.S. 1. Bingo…冰啊﹗哈哈…

P.S.2.《有過去的女人》以我所知應該唔係套戲嘅主題曲...不過詞中講女人恨獨立又恨有愛情令我不其然想起戲中嘅笑淚交纏

P.S.3.看雜誌訪問側田說拍過戲後佢覺得自己適合唱歌多啲...我都覺...佢可能太緊張...講對白有啲硬...我突然諗起醬爆