2016/12/24

2016聖誕台北快閃:杯緣子展


杯緣子已經侵佔晒我書枱和公司枱面,即係呢,望住佢擺出各種可愛表情和奇怪動作總覺得很治癒,自己去旅行買,朋友又買回來做手信,於是堆了一枱都係…哈哈。

事先係諗住完sem出走一吓,點知出發前一日碌飛卜時見到有杯緣子展﹗噢耶﹗梗係去啦﹗



地點呢個甚麼三創生活園區原來好近華山1914文創園區(啲名好長),去梗係無難度(有導航嘛…),最大難度是…在12樓部lift極慢﹗等到嘔泡都未到,卒之爬電梯。走的時候又係等到嘔泡,去行樓梯,點知堂樓梯勁闊勁多級,天氣熱樓梯焗再加我老人家,行到腳軟先落到去接番電梯的樓層…大囧﹗

then呢,小的大鄉里第一次用博客來購票,咁可以喺7仔度拎飛覺得好方便啦。但去先要用購票號碼喺部機度印張票據出嚟再去收銀處印番張真正入場既飛,咁都ok既,行埋去部機度,首先我搵唔到我呢項服務屬於邊個category,試勻晒咁濟先搵到…我真係太大鄉里,最慘係人來人往見到我在傻撳…同埋好熱﹗去的那幾天日日over25度啊﹗這是甚麼聖誕﹗

最後都係成功入場…哈。(其實去到先買都無問題的,我覺得…)((蛋黃哥那次無咁樣試在7仔買飛嘛…我新屎坑))


其實…我想問…係咪The One擺過?

陳生又係你呀﹗咁熟口面既﹗









這個勁令,會轉動兼打燈之下好耀眼…











好應節的聖誕和新年版,可愛度一萬﹗

成個展覽的concept跟蛋黃哥好似,都係一嚟就擺啲大件版俾大家影相打卡,跟住擺吓手稿講吓歷史,之後show case啲場景版,大家又係喪打卡和瞓身影相的時候…最後,梗係舉手投降買紀念品…

左邊那個拎住隻蛋的是10周年特別版…原來都唔覺唔覺出咗10年,可愛到呢…隻蛋入面係再有一隻杯緣子架﹗同埋,原來安室那個系列係杯緣子老家出架喎﹗

場景系列,總會有啲女子死影唔肯走…囧

我個芒就好似左圖那個咁貼滿晒芒頂…哈哈哈

任影之下必有勇夫…好似photo hunt咁搵番「抦」喺食物度的杯緣子…哈哈…突然覺得好有螞蟻「嬲」象的感覺…

then最後有隻大杯可以行(有樓梯的)上去影相,現場仲有庶務二課(這是我改的名)制服借出,大家可以扮剛緣子(呀~~~節目同隊group都完鳥…嗚)高難度動作影相一番。本來我想影吓隻杯,但剛剛有個姐姐企上去走晒光地努力擺pose…咁…我又唔好意思影佢走光既…咁…算啦…

無聊的我之前在日本見過內心交戰之後無買…但再見我覺得是緣份…卒之買咗…哈哈哈﹗佢係責住杯麵的呀﹗

上面po過的聖誕和新春版呢,我都扭到個留吓念…新春版那個…話說我入咗銀仔後無蛋出嚟喎,咁望吓周圍睇吓有無人可以叫佢幫手…then又無(地下街的一大堆扭蛋機),最後搵到個電話…如是者…我第一次打了上網卡的電話…個哥哥仔係咁問我呢樣號碼那樣號碼…勁唔知邊個打邊個…then佢最後都有現身開機拎銀仔再入過,我先抽到呢個貓大吉…雖然我對那個扮御守更有興趣~~~

噢耶﹗以上。

2 則留言:

  1. 我張枱都有好多 XDDD 因為除左自己買之外啲FD見你鍾意就會去到邊都會買比你 XDDDD

    我都扭左隻蛋中蛋,入面果隻好細粒好得意呀 XDDDD

    回覆刪除
    回覆
    1. 蛋中蛋那個我唔夠銀仔只扭咗俾朋友咋
      我堆到成個芒頂都係╴做野做到攰見到佢地就好開心

      刪除

要講幾句嗎?﹗XD