2013/07/17

他FASHION傳奇.她IMAGE百變

唔係呢個展覽,我都唔知幾時先會去一去沙田了…好遠…好熱…點解咁遠架…離新城市…囧﹗(也可見我幾神心﹗XD)








入到去時見到大堆李小龍展的小冊子,心諗死囉…唔係今日開始咩…山長水遠嚟到先知無得睇…我會暈架﹗三間即時浮現…是因為今日開始所以場館未及喺EVENT個BOARD度UPDATE嗎?嚇死我呀﹗明明記得係今日開始架﹗

兜了一圈看完了四圍介紹EDDIE哥哥的展板,就睇衫啦(講到好似去SHOPPING咁﹗)除了阿姐、仙姐和梅姐的設計外仲有啲自家系列(右邊的黑色這個),又真係SIMPLE BUT ARTISTIC喎,跟舞台的很不一樣…咦,都係中國風食糊的說…

左邊這個…而我不知道國泰的制服是EDDIE哥哥設計喎﹗又,原來香檳和魚子醬都係設計意念來的…

仙姐的長衫…

右邊那個都係仙姐啲長衫…而我不知道仙姐少穿白色架喎﹗

左邊那個是阿姐的…但我望了個公仔好耐…硬覺得係"扇"低咗…

最新的,03年最後演唱會,開首的西式裙掛和結尾唱《夕陽之歌》的婚紗…太SAD了…還是繼續沉醉喺隔離《極夢幻》那件吧~

咦,《熟女》、《妖女》和《IN BRAZIL》個生果頭都沒有啊…有啲衫未見過的,如左邊這個唐衫加披,據說是梅姐第一次跟EDDIE哥哥合作,出席東京音樂節個郁(後面再後面應該係1999《艷舞台》((碟叫好似係《LARGER THAN LIFE》))封面那件,拎住支STICK好型的﹗)…隔離那件如果我無記錯…好似係演唱會歌衫嚟的…(所以我沒見過囉~)

嘩﹗「紅唇(FING頭﹗)…烈焰(FING頭﹗)…極待撫慰」…呀,記得當年流傳梅姐有紋身所以唔著無袖衫,突然一嚟無袖仲加送低胸,名符其實睇到O咀﹗哈哈哈…不過當年我最大的疑問係,歌詞唱「紅唇烈焰」,但歌名叫《烈焰紅唇》…點解掉轉既?

隔離那個係咪《愛將》的?(但MV又唔係呢件喎著)

左邊呢件我記得呀﹗我有喺YOUTUBE睇番《百變梅艷芳再展光華87-88演唱會》﹗
想話我才轉身開始睇梅姐歌衫時就播我勁熱愛的《緋聞中的女人》,巧開心

但隔離那件就唔認得了…

 應該都係演唱會歌衫…

左邊這個一睇就勁覺得佢係韓服,原來真係喎,係演唱會時唱《夢裡共醉》時穿的,仲會好似泡菜女人咁FING埋袖跳舞的說…話時話,細個時我巧京京《夢裡共醉》呢首歌的,硬覺得好鬼…隔離那件…未見過﹗

 右邊那件好像係拎《十大中文金曲》金針獎的歌衫…左邊的…忘了~哈

HOCC 06演唱會的歌衫(左邊腰位那邊係咪鬆鬆地?)…也是隻碟我翻睇又翻睇的一PART,好啦,我認我聽HOCC係因為佢都係梅粉…哈哈哈﹗唔講唔知呢件衫原來叫「愛的延續」(好有愛…泣奔)…我諗好多梅粉多多少少都有啲想喺HOCC身上見到梅姐的延續…UM…佢10月又開SHOW了…講開又講…又係10月?會是10號嗎?

仲有左邊係之前阿公演唱會既開場服,幾有氣勢的(心口PAT野跟上面02年《極夢幻》那件係朋友啦﹗)隔離那件係羅記的

我當了這個是梅姐展咁睇了…哈哈哈﹗UM,我想問EDDIE哥哥喺邊度擺咁多歌衫呢?咁多租幾廿個倉都擺唔晒喎﹗同埋呢,阿姐那件金金的係阿姐借出的,咁平時啲歌衫係邊個KEEP既呢?(我八掛了)

 我十幾廿年無去過沙田啦﹗真係好遠呀﹗行死我﹗

本來想順手睇吓李小龍展…但上到時見到佢封晒野好似想拆野咁…好啦,睇番一樓有乜睇…就發現有個新界甚麼的…行完一大輪…咦…天水圍真係一個圍喎…(<--SORRY,我是港島島民…新界真係好遠呀﹗我好似第一次發現新界地區地型咁…)
 最後是沙田的發展…大發現是…以前城門河唔止河嚟架喎﹗

這個是紀念版來的吧?我差點就想買的了…但行嚟行去都唔見有得賣…好啦,有圖有真相…

Last but not least,多謝HOCC喺FB和微博貼相我才知有這個展覽咋﹗差啲走寶﹗囧

2 則留言:

  1. 你有冇攪錯,我咪一早plurk同g+都貼過....!=_=

    回覆刪除
    回覆
    1. RE:aulina

      而…我真係不知道啊﹗囧

      刪除

要講幾句嗎?﹗XD