[貼歌]秋風送爽篇

呢個星期天氣太神奇，上星期行雷閃電之後閃到出水，再有兩天乾爽秋冬，今日又回歸春天濕dat dat的天口…太妙了﹗一星期經歷四季﹗囧…好掛住秋風送爽的天氣…咁啱mp3 loop到費公主的這首《叮叮車》，借此貼吓歌~

本來我聽費公主的歌係因為…佢係商大校友﹗(這是甚麼理由﹗)由遠古的《XBF》、《奇洛里維斯回信》到騎呢的《886》(其實我覺得幾好聽﹗)，跟住好易變方向歌但勁甜的《甜蜜蜜》，方同學和周同學加上黃老師出力不少﹗雖然我一路無特別狂迷，但由原來聽吓聽吓keep住update費公主啲歌。呢水佢轉會了，希望唔好跌watt啦。

有費公主就要有方同學吧﹗哈哈﹗當年聽得很兇的一張碟，但聽親都係咁舒服熱愛，即刻想起漫天楓葉，走在兩邊樹林的路上既樣子，um，係需要踩埋單車的，不過我唔識啫…囧﹗

search《叮叮車》時見到有Jerald的demo版，原來佢係編《叮》呢首歌的，即刻諗起小的至飛佛的Swing歌《半張飛》，搭叮叮去睇戲，件事幾relax呢﹗

其實我都係唔明點解《17度》會拉上了《微涼》(係咪我"lun"得歌詞唔夠了？XD)，不過很喜歡就是了…就咁話啲歌好「爽」好似太抽像，SAMPLE就係《17度》呢種曲風啦…

「再愛上你~夢再飛~~」…張學友的《再愛上你》係我細個時的「爽」歌之選，我成日幻想呢啲係黃昏時拎住杯咖啡(或champagne)坐喺露台度睇住書再望住日落，悠閒到呢…呀，仲有《夕陽醉了》和《暗戀你》，即係呢，我好怕吓吓震音震爆玻璃嘛…

張智霖呢首《願每一分鐘都願能見你》是小的無敵飛佛，唔知點解會linkup了張爸爸的《再愛上你》和哥哥的《想你》，唔知呢，一聽到色士風就會聯想悠閒呀舒服，之後就有爽的感覺…(很個人的吧﹗唔明﹗哈哈，我都唔明喎﹗)

呃？點解無mv既…我想貼李克人《雨中街頭劇》啊﹗我的口味有啲偏門吧﹗哈哈哈…就說我唔鐘意吓吓震音爆玻璃嘛，呢首歌我成日幻想係人對couple走在跑馬地街上(一定要係跑馬地…唔知點解細個已經咁諗)，行行吓無啦啦落雨，走避不及又唔會咁壞氣氛走去買遮架，索性雨中慢步再慢舞…幾浪漫~~~(但現實…應該係諗好唔好買遮或者快啲搵地方避雨吧？)

草蜢的《夜了》，和《黃昏都市人》一樣都係喪LOOP又喪LOOP，好relax之餘又舒服…我又喺啲歌精舞勁的人度搵慢歌嚟煲了﹗

東神隻《mirotic》碟真係好勁爆地好聽，主打的《mirotic》煲到用埋嚟做鈴聲不在話下，《you are my melody》煲到爛仲忍不住去研究歌詞(因為我見到有日韓文歌詞版mv嘛﹗)，跟住一cut連住的《paradise》好有黃昏與海看日落的感覺…呀…即刻覺得係馬爾代夫啦…雖然我唔好陽光與海灘…XD

最後呢…其實我想貼以下呢啲：

• 安室奈美惠《Drive》
• 蘇永康《不敢不敢》、《女人感性》(<--係咪偏咗少少？但唔好又貼番《皇庭》系列啦，好聽還好聽，悶呀嘛﹗)

但你管都無啊﹗嗚…咁搵倫伯的《午夜麗人》出嚟頂住先~哈哈。

呃文完畢，以上~