突然懷舊之哥哥在泡菜國

記得上年11月MAMA在香港攪頒獎禮，無啦啦有女林哥哥走出嚟唱泡版《當年情》(INSERT唔到添…囧﹗)((題外話…女林哥哥還是專心拍戲好了…SERIOUSLY…))，又記得看《紳士的品格》其中一集的小劇場牆上有一張《英雄本色》的POSTER，雖說知說此片影響力超勁，但估唔到係影響到而家耶﹗ANY肥，今朝聽收音機時主持人播了段哥哥在泡菜國宣傳《家有喜事》(係《家有喜事》耶﹗)，於是心血來潮想找一吓泡菜RELATED的東東來看，未睇過嘛﹗啲歌聽到熟晒，戲又睇了一千萬次啦﹗哈哈(我很HILLS)

(又是一個SERIOUSLY，琴晚個懷念哥哥騷…有啲部份都幾…悶…還真是哥哥的獨有唱腔賦予歌曲生命了…同一首歌…唔同一唱原來可以悶得咁交關…囧)

學泡文時間了，泡文《英雄本色》叫「영웅본색」，原來仲有另一個名叫《奔向未來的日子》(即刻唔型…)

對唔住我太無聊，見到《家有喜事》(가유희사) 忍不住CLICK來看，可以學唱泡文版的《相逢何必曾相識》(상봉하필증상식)呀﹗(咦…insert又唔係youtube見到有泡文歌詞那個…呃…好煩呢…)

傳說中的李英愛姐姐呢？第二個30秒的版本格仔超大的，都睇唔到女角的樣子，跟住另外一個分幾鐘的就高清得多了，但唔覺有女角出現喎﹗不過我都係睇哥哥既啫…哈哈哈﹗另，《寂寞夜晚》原來有泡版的…哈哈…

打「장국영」在YOUTUBE亂咁SEARCH，根據GOOGLE翻譯說此片是「太陽 - 熙與張國榮對唱 - J（青年進行曲）」(이선희 & 장국영 듀엣 - J에게 (젊음의 행진))…首歌係咪…劉美君隻《午夜情》？﹗囧

1978年韓國音樂節唱《American Pie》喎，剛剛亞洲流行音樂節2013中MIC男團(我諗了諗…係咪解MADE IN CHINA呀？)又唱了呢首…還真是長青。講番呢條片…好70年代(這是甚麼評語﹗…)…好係睇《FNS歌謠祭》啲FING咪演出(70年代咪係有線架喎…我講緊乜…)…睇唔慣呢個頭呢身衣服同呢個台風添…

個主持唱完後問哥哥"is that the first "American Pie"時哥哥係唔知點答，好好笑，跟住又問首歌係咪哥哥的…無乜做功課喎﹗呢首唔係出名的民歌嚟架咩？(《愛情雨》又話70年代已經紅麥當娜…囧)

鏡頭一轉去番壽司國(我睇唔明泡文呀﹗)，就咁睇歌名《棉花糖マシュマロ》真係好難估到係哥哥唱既日文歌，仲要係CHAGE包辦曲詞喎﹗估佢唔到﹗(就說《英雄本色》喺日本都hit嘛﹗)

嘩﹗嘩﹗嘩﹗估唔到哥哥跟Kinki呢條片仲喺度，最爆係哥哥跟二人一齊跳《情熱》隻舞喎﹗勁開心呀﹗跟住剛見到哥哥癲咗咁叫「哥哥」(係廣東話喎﹗)跟住又扮佢喺《英雄本色》度拎槍…好爆…(原來《英雄本色》在日本叫《男たちの挽歌》…)…好好笑…

****************************************************

睇完呢啲，我都係正經去重溫番舊歌和電影好了…囧﹗