[日劇]《鍵のかかった部屋》、《信長のシェフ》

嘩﹗我想話惠梨香妹妹做乜攪到個樣似十足《仁心解碼2》(呃…我只看了第一輯…)蕭公子個哨牙look﹗囧﹗

雖然只看了第一集，不過都好係推理劇的公式﹗

成瀨領﹗呀﹗呃呃呃呃呃…是榎本了…嘩哈哈哈。公式還是一個高層lead住個熱血女後輩，只係睇怪人係combine咗去高層度定拆出嚟，上次《Legal High》就係古美門一人擔晒高層和怪人，今次就拆開，大野智做破案怪人，佐藤浩市叔叔做高層，帶住熱血女新人戶田惠梨香咁…

好了…即係《Ataru》的setting﹗

嘩﹗使唔使同《Monsters》一樣都係怪人主角被分派去一個古怪的遠水路的地方做工作室呀﹗呀，其實我想話榎本呢個鎖之達人，又唔識同人溝通，一味講啲好深既物理生理乜理都好的理論解釋案情線索呀咁，最似的係光本光一n年的《Remote》呀﹗冰室刑警(光一)又係冷冰冰的，跟住會講一大抽理論出嚟解釋案情，而深田公主都係聽唔明的﹗最爆既係，冰室刑警既工作室都係喺地底架﹗

呀，我想問，沒有鎖匙啫，唔代表個密室一定上鎖架？any肥，講故唔好駁故，而且呢部劇有漫畫support，應該天馬行空極有譜吧。但單單案都係同密室有關…又會咁啱既﹗﹗﹗﹗﹗﹗

而我又想問，點解日本啲律師要查埋案﹗咁啲刑警做乜呢﹗大家啲工作咪duplicate晒﹗

(因為才看了第一集…所以無乜劇情野可以講…哈哈哈，就在講無聊野﹗)

《上鎖的房間》@維基
*******************************************************
《信長のシェフ》sell美食+穿越，應該唔似《仁醫》咁一味大仁大義我會唔會影響歷史吧？在友人的大推下，我決定挑一挑﹗

一開始健(玉森裕太)就穿越了去戰國時代見到織田信長(及川光博)，好爆咋﹗跟住又係差啲遇上殺身之禍，跟住又偶然遇上女主角夏(志田未來)，跟住又因為佢既專業解救了自己跟住就入正題﹗個開頭好《仁醫》喎﹗

當我以為終於有唔同﹗健有同伴一齊穿越了的時候…那個光頭叔叔死咗﹗咁典解健會穿越了？佢做乜會失憶了？um，是引觀眾看下去的吧﹗而健見到夏時，從佢褲浪"捐"出嚟的鰻魚…好色呀﹗(但又幾好笑)…而玉森小弟個表情…看來《Ataru》和這套，證明只要玉森小弟唔好硬扮某人chok行樣，是正常的。

UM，我想話戰國(日本的…)唔熟…織田信長呀、豐臣秀吉呢啲名聽就聽過好多次，但睇都係第一次…呀，講開又講，志田未來妹妹個古裝樣有啲怪怪地啫…

這套和《深夜食堂》一樣都係唔可以喺夜晚睇，會好肚餓的說…同埋都有啲笑點…可以觀察﹗呵…

《信長的廚師》@維基(只有日文無中文了？)

(2/7/14後按：這部會出第二輯…要補回了﹗)