[韓劇]壽變泡又一力作~《職場之神》

雖然我在努力回歸日劇，但見到呢部《職場之神》原來改編07年《外派員的條件》，我是比較精嘛，同埋大前春子和卷卷毛(看﹗我仲記得呀﹗不過我已經唔記得篇文的題目點寫，成日search唔到…XD)鬥氣好好笑，同埋剛剛看了本書有提到泡菜國都有正社員和外派員的問題，好啦，我睇﹗(反正《Legal High》完成了又未做SP…XD)

後話是…我發現泡版大前春子竟然是…《盜賊門》個Pepsee﹗﹗﹗﹗﹗﹗

話晒壽司版套劇都成五、六年前睇的了，其實好多劇情唔睇我都唔記得﹗雖然我的印象告訴我這是一套好睇的劇…囧﹗

乜喺鬥牛國都用泡菜國的手機？(唔得咩？)

印象中壽版好似無出現過大前春子的屋企，但呢個泡版金小姐(係，女一個名就係金小姐…)屋企(？)個場景好似壽版個酒吧﹗(而酒吧確係有出現的﹗)。壽版同大前春子鬥氣的卷卷毛大泉洋先生外型毫無疑問是性格派小生(即係唔令仔啦)，泡版這個張組長都好跟足原著喎﹗整咗個好攞命的卷卷毛頭…個樣好似莫札特(或同一水啲古典音樂家…)，哈哈哈哈﹗

就說，《不能結婚的男人》呢，雖然我只係睇了少少少少少咁少(就係食飯時的十幾分鐘)，我覺得閔大人太拘緊了，而這位卷卷毛哥哥豪邁奔放配上誇張的表情滿有笑點啊﹗睇完頭頭的偷入頭等再偷食人地舊蛋糕仲要"續"親要金小姐相救一段後，我覺得這部劇滿值得期待同埋可以追呀﹗

金小姐(佢的確係自稱金小姐…)出親鏡就有大光燈和柔鏡…唔講我仲以為係黃泰京呀﹗哈哈哈哈﹗

基本setting都差不多，公司架構也一樣，都係直屬的是老好人市場營業支援部武組長，內有個做到無晒火的老頭和新人派遣少女，而死對頭係跟老好人好friend的卷卷毛是市場營業組長咁。Then金小姐和大前春子一樣都有一大堆條件，好正，有埋說明書的…

嘩﹗連個office都似足壽版喎﹗唔係話一定要跟足壽版才行，咁改得好既改成合乎泡菜國國情都無可厚非﹗但深深希望呢套唔好似《Dr.煎》咁，開頭懶係將壽版《仁醫》劇情都改晒自己的一套，加呢加路之後加到無頭無尾，直頭覺得最後連想收尾都收唔到了﹗

第一集就有二人的鬧交場面了﹗哈哈哈哈﹗而我想話既係，泡版卷卷毛和壽版都係十分性格小生類…(即係…唔…啦…)，但老好人…小泉孝太郎令仔好多喎﹗雖然我好似好耐無見過佢老哥的劇啦喎﹗(定係我睇得少呢？)

呀，我係咁講卷卷毛呀呵？成套劇啲演員我淨係識女一咋，看一看個list原來有2AM的趙權做新進社員，但…除了我識分2AM唱慢歌唔除衫，2PM唱快歌走野獸路線，兩隊加埋出了一張叫《One Day》的碟之外…無lu…

<--我最鐘意的六點鐘就走人場面都有﹗

 <--第一集除了極速執office，整水機，狂快打電腦之外仲有用推土機，金小姐/大前春子的奇異之處就係有無數奇異的功能嘛﹗咦，唔覺金小姐好似大前春子咁成日講「咁又點呀」喎﹗

So far泡菜改壽司劇如《不能結婚的男人》、《龍櫻》(又叫之神﹗泡版叫《考試之神》)、《求婚大作戰》我都無睇，《仁醫》/《DR.煎》係同期睇的唔算有先入為主，但呢部就本身好喜歡壽版，希望泡版唔好改成另一套《DR.煎》…要捱住嚟睇啦﹗唔知會唔會懶係探討吓正社員和外派員之間的矛盾呀咁…

呢套…應該好難又整啲絕症親生父母之謎或搶家產啦掛？(雖然有金小姐身世之謎…囧﹗)

《職場之神》@維基