[日食雜碎]拉麵、吞拿魚飯、咖哩飯

話說是某日行去搭往赤柱的小巴時唔覺意行經天一丼而發現豚王在港島登龍街分號的位置，SORRY我真係好勾池…我終於試了…

右邊的是豚王，左邊的是札幌(太耐無食過佢既拉麵…水準如昔，還是很讚﹗個湯還是令我忍不住飲飲飲)，中間是新寵梅光軒(除了舊叉燒很柴，湯和麵都是我喜歡的一類…﹗)。

豚王的我選了…豚王(笑)，濃一點的加點蒜香扁麵偏硬走蔥有叉燒加隻半熟蛋，盛惠95蚊。店家很細心送上墊在身上的紙圍巾，但我個位在走廊邊，重點是我係咁俾行過的人撞背脊啦…。ANY肥，可能我真係太鐘意醬油湯底，個豚骨湯拎上嚟第一感覺是…很肥…覺得放一陣就會"瓊"掉了，唔關碗湯事係我問題啫。又或者我太喜歡梅光軒那種粗圓身的麵條，所以唔鐘意那個扁麵的質感，唔關碗麵事係我問題啫。最後，我食了一半都未見隻半熟蛋…今次關店家事啦﹗最讚是塊叉燒，軟滑到不能，梅光軒的就有點太乾柴。就說原來我已經唔太鐘意豚骨湯底…我仲會唔會翻兜豚王呢？

開首說的天一丼，本來見到豚王就想去試但太多人了﹗係無時無刻行過都好多人﹗於是轉咗去食這家，星期日下午都有5X-6X蚊的下午茶定食，相當抵的…不過呢水我又鐘意切成蓉的魚生飯，一片片的唔太LIKE了…我真係麻煩又難服侍﹗哈哈…

又係鮪屋和上壽司，左邊鮪屋128+1，右邊是59蚊(會員有折免加一)，一分錢當然是一分貨，平既梗係無咁肥美，不過都OK的呀…

白熊咖哩屋， 呢個芝士豚肉蛋咖哩飯好味到我會狂食直到剩番最後幾啖飯飽到食唔落為止，有友人說味精好勁…呃…我…OK喎﹗最唔OK係…個南瓜湯用日式湯碗嚟裝真係太爆炸﹗

雜碎完畢，咇﹗