2011/02/09

飲食雜碎: Spuntini、Jingle's、Full/half、Windows Restaurant

儲落一堆食物相,又貼囉~






新春到了馬交行大運,小店不是人多到不行就是未啟市,於是到威尼b人行個轉,同行飯腳說不如到四季high tea…嘩…聽下去很悠閒好正咁喎﹗

四季酒店裡的Windows Restaurant,裝修很歐陸風格,樓底高加上一個大落地玻璃門,感覺好閒揚,坐在高身梳化上邊吃邊講真係人生樂事﹗食環境之餘都要食食物…tea set上枱…um…款式好似少咗啲,造型又唔太精美…對照淺水灣酒店那個…這個盛惠228+10%的set真係太失色了…


唔知呢,餐具放上枱時見到有酒店logo感覺還滿不錯的…但睇睇吓…啲場刀刀叉叉洗到錏晒色…也許職業病發作…咁殘…唔掂當喎﹗

四人同行,叫了一個set加三個飲品(set有一杯飲品附送的),加埋一就500蚊…呃…喺香港四季食會唔會似樣番啲呢?

另外的tea:
不是專業食評:意味
偷閒嘆茶@蟹樹茶室
*************************************************************
影得不太好,不過都貼一貼丫…這家Jingle's Cafe & Bar好耐之前嚟過一次吃晚餐,前陣子有機會再訪吃個午飯,個牛就ok啦,我鐘意啲索晒汁的薯條~(妹仔大過主人婆﹗哈)…

主打係覺得抵,加埋一都係六十多元一個set,好坐,服務也好(雖然發生了很奇異的打爛玻璃飛埋嚟事件)…只是地點有點格涉囉(對我來說)。




*************************************************************
友人介紹灣仔這家Spuntini,某次襯放半天走來試試,係唔錯的說。個湯無得選紅定白…一律係紅(嗚﹗),但用個玻璃兜上係幾有趣,另放麵包的杯歪歪的…個presentation係幾有心思(雖然重手好難筆湯吓…)。

主角呢,安格斯牛扒長通粉那個,牛扒(死囉我好似成日都成牛…明明話紅肉對自己皮膚唔好喎…隔離個海鮮risotto…是ok咁囉,我鐘意個長通粉好香好野味多啲嘛﹗

連咖啡一個lunch set大概8、90蚊到,但店子位處近星街一頭的橫街上,感覺很悠閒,搵日再嚟嘆過~

 *************************************************************
位處老尖the ONEFULL/HALF,看博友的介紹,店子的裝修、擺設、食具等都頗有型格,某次去開就試吓食tea…呃…果然真係好有格調…

首先店員示意我們坐下後…枱上餐紙…是沒有的;食具…是沒有的;餐牌…也是沒有的;店員…是有…但沒有理會我們的;於是我們自己拿餐牌啦,總不成自己走去櫃面度拎食物,還是搵個店家哥哥仔落order,落完…想飲杯水…也是沒有人理我們的,在我決定自己去倒杯的時候…終於有個哥哥仔衝出嚟幫我們一行幾人一人弄一杯了…好感動…然後,依然…餐紙,是沒有的;食具…是沒有的…囧…

只叫了咖啡和布甸,布甸用木羹來吃,口水加上布甸癡晒喺度…有啲…囧…啫係呢…呢餐好自助,差啲俾錢都想自己行埋去收銀機自己攪掂…full/half,原來係咁解…囧﹗

************************************************ 
完。

2 則留言:

  1. 我有打算去FULL/HALF試吓架,咁而家都會去,只係改用掃雷特工身分去吧。

    9th Feb 2011 23:37 PM

    回覆刪除
    回覆
    1. 我諗係我既雷特質掛…
      飯腳去無事喎…

      21st Feb 2011 22:34 PM

      刪除

要講幾句嗎?﹗XD