Computer Studies / Computer Application

我常說電腦不是我的朋友，除了佢只有在趕急的時候才hang機，打好文先無啦啦reload，或者你以為save咗的文件根本無save過…被玩得最甘的一次是某日關機後就永遠都開唔番，我真係可以放心關機了﹗死機呀…乜都無晒啦我﹗唔慌唔放心了。

電腦係唔可能混得熟，這就是多年來我得出的經驗。最詭異，本人呢啲同電腦咁唔啱八字的人居然跑去join電腦的課外活動和課程…(被騙的過程不重覆了…)即係呢…我想讀的是application…偏偏讀了studies…鬼才會記得pascal呀…唉呀…

即係呢…想重溫吓當年用電腦的日子…

(上圖係搵番屋企本書影的…我肯定呢本書係忠良書商出的，因為啲資料好唔update，在我讀的x年前已十分落伍的說…)

左上圖的3" floppy用到前兩年仲有用，但5"的軟碟…嘩…真係好耐無見過…有drive可以入佢的機囉…

屋 企第一部電腦係486機，同時裝咗window 95和window 3.1，但我都唔明點解要裝一中一英的window…有分別嗎？最爆是要裝上學會用到program卻裝不到…(就如讀CA時要上網卻上唔到一樣…第一部 機已經同我8字不合…)咁部機就係用嚟打機囉。當年幫我裝機的哥哥私人醒咗堆save晒喺floppy的遊戲俾我，有上海、打字、三國志(﹗)、賽車， 嘩…靠害咩﹗樣樣都咁好玩…加埋電腦本身的地雷(其實我不太明個logistic係想點的…)、彈珠機(很好玩…太空喎仲要﹗)、接龍…，家母買電腦係好 意讓我們好好學習高科枝的，卒之我很成功學會點樣裝game和打機…

當年好似可以去dos度打機的說…但我都唔識打火星code…打乜鬼啫…

叫做micro的computer一點都不micro…當年我可是十分O咀的…

同埋…我都係唔明二進制數和電腦有乜關係…點解我又要計二進制數呢？﹗

最有實際用途應該是左下角的身份證()入面個數字的由來，security digit呀﹗原來好多人都唔知的說…

其 實我部win 95都玩咗好多年，除咗佢整極都整唔到上網令本人十分落伍之外，實在都相當襟玩的說(為了修理佢，本人可是千辛萬苦的托出黃金…很…電車的行為？)。玩了 幾年之後，由於吾系乜通知都經email(我懷疑因為我上唔到網錯失了去紅磚大面試的機會…)，notes又要上網dl，總不成吓吓都返campus架 (我住得近嗎？係一啲都唔近﹗但我無hall住)，卒之就下定決心換機，那部好像係用win me的，「你可以放心關機」是那個年代開始的吧？重點是，我上到網了…卒之

又話說，那個中文打字game和一系列接龍都很好玩…

上 網呢，初初係用56k(即係我上一部機上極都上唔到那個死人plan，還好sub了但因為用唔到而唔使俾錢…)，在新機處接通了網絡，是何其的感動啊﹗但 又怕它不穩定，逢家中電話響令我斷線我就殺人的了…奸詐的我，係會「long」電話的。咁當年又有手提，我又傾唔晒啲分鐘，咪寧願娘親用手提傾…都不要阻 住我icq呀﹗

當同學都在寬頻的時候，我仲喺度窄頻，兼且接收了同學的學校account quota…很爽的說…那一刻，應該係我對吾校最有歸屬感的一刻﹗(喺屋企上，點都好過要隨podium搶express terminal吧﹗)

咁，在有學生優惠的時候，本人終於忍唔住轉向寬頻的懷抱，我又唔係真係娘得咁緊要既…

應該係02、03年上吓開始有win xp…不過我那部新過吓的電腦係唔夠力食xp落肚，於是我就me咗好多年，直至05年才轉notebook…但我又無wireless喎，都係要插住條線，很廢呀﹗

其 實行得快唔快呀食唔食memory呀那些我唔太識，xp只係版面靚一點吧？其實同me我又唔覺有好大分別…最唔開心…係無咗打中文遊戲…所以說呢，me那 部機無啦啦死咗…我可是很唔放心的關了機…從此就永別了﹗window我暫不打算轉vista，xp其實已經好好，太先進而家部老爺notebook又食 唔落…又重現當年的糟事…囧。

講開又講，其實屋企的機到而家都仲用緊office 2000架﹗(超級先進呀﹗)用過一吓公司機的07版，完全唔就手…最憎想用某個分唇卻搵唔到icon…想搵又唔知去邊度click…望住條toolbar茫茫然不知所措的…所以…還是不要太先進好了…

話說回頭，開首就的CS科主打教寫program，但要做功課嘛，先生都有教吓點用window和office…估唔到當年學的技藝一直受用到而家…始料不及﹗始料不及呀﹗

其他奇怪學校生活文：
寧死也不穿的…校褸
奇趣學科、另類課外活動
中學術科奇怪項目
運動嘛…