名牌

曾經聽表妹說過「人生一定要有個LV袋。」…這句可能係大家做咗親戚咁耐我最記得的一句說話。講既時候大家都仲係中學生…這令我感受很深的…

當然我不反名牌，只是我會覺得這個品牌也太厲害，昇華到人生一定要有的境界？﹗中學生已經咁覺得啦喎？﹗


只是我對這牌子不過電，還沒有買我人生的第一個的說…

回想名牌在我心中植根應該從《No》 雜誌開始的…(又係呢本野﹗)，記得當年有個欄位係喺街頭搵年青人來影個全身相，然後計吓佢地全身衫褲鞋襪袋銀包等總共幾錢，咁捉得出嚟影相的一係型，一 係就好多名牌，計落成身吓吓幾千銀的(當年未有手提電話嘛…)，又會標邊個brand邊度買咁。我等學生妹邊睇邊驚嘆…嘩﹗千千聲的M鴨、Polo、地圖袋…﹗﹗﹗然後十幾歲就戴撈﹗(通常都標明係父母送的…)還有李維氏牛記、紅翼鞋(我真心覺得很型…但著上腳很重而且很巨…感覺不良…但我還是很想買一對扮吓型…哈哈…)等…成身加幾近一萬﹗

那個欄位應該係我等小輩的名牌啟蒙課。

家父家母都係慳家份子(鬼咩，養兩條化骨龍之餘又要供樓…)，身上的物品都係平靚正野(即係雜牌)，又唔係有多餘錢，也不是有大件事(如去飲)…好地地買啲咁貴既野做乜？於是除了去飲或新年，我等係很少機會買名牌。

但好衰，入到中學就係軍備競賽的開始，即係呢幾好校風的學校都好，一堆年青人堆在一起，見到你既佢既都係名牌書包，不免會覺得自己都不能太差，就算唔係幾千 蚊的名牌都起碼不能太寒酸丫。當年小的將儲起的利是錢苦苦求娘親大人批准，終於買了個愛搭的士火柴人背包…話實，那個真係平靚正的名牌…幾襟用吓的說…又 可以扮吓sporty﹗哈哈(都要讚吓自己的品味…)又咁講，啦史波set、M鴨、地圖袋等對我娘來說都太貴啦…佢都唔會approve…

所以我不敢話而家啲後生細女吓吓LV、趴地、古池，因為我當年都係好恨有名牌袋的…只係見佢地咁細個就用啲咁鬼貴的，咁大個咗揹乜好呢？同甘比和碧嫂搶Kelly bag嗎？

又聽過人說名牌通街都係，完全無個人風格，又貴又盛的有乜好？係呀，確係通街都係(如本人很buy的雅麗思b…可以行一個鐘老銅遇到起碼5個同道中人…)， 而我都知如果俾心機去搵，坊間小店中係有不少正靚正好袋，隨時三個平袋頂一個雅麗思b。之但係，econ課又來了，遍尋小店費時不少，而且隨時搵唔啱得個 桔，time cost都不少呀﹗名牌之強大，就係佢個牌子本身已經buildup咗一個形象(perception is king﹗)，向邊個牌子對號入座就閣下喜歡啦，將自己想投射的理想形象都sterotype入理想的名牌中…。俾一舊比市價高的價錢，但就省下很多時間 和心機囉。

我揹雅麗思b唔通係想人家覺得我有法國人的優雅風情？﹗哈哈哈…其實我覺得佢很襟用就是囉(因為我是走難二打六…)，咁佢行出嚟又唔寒酸丫…

走在街上睇大千世界各式人等揹邊啲名牌是個很有趣的觀察…睇吓邊啲人少女扮成熟，又有邊啲一把年紀扮後生(其實恰如其份的打扮係個很高深的道行…)。揹著同 一款袋的人可能風格各異(LV、趴地、古池此等大牌撞袋機會十分高的說…)，最好玩的當然係睇邊啲人揹a貨啦…(咁俾我睇得出係假野的…都好假架啦…)

我應該讀埋心理學嗎？﹗哈哈…

講到尾其實我不反對揹名牌，都係自我形象投射的一種工具啫。只是我覺得應該有咁既能力去買(或逼人送…)先要囉…無謂為了個袋攪到勒緊褲頭帶成個月…嘛？﹗然而個袋和主人的形象又不符，感覺勉強就唔好啦。

其他的文：
手袋
【小熊人擂台賽】10：我的強迫症
走難人揹走難袋