《一個人漂泊的日子》+我的雙失歲月

其實我是高木直子的書迷…XDDDD

很喜歡她畫風清新簡約，講的生活小事都似層相識(雖然…150cm身高…就唔多 似層相識囉…)，邊睇會邊會心微笑的說。這一回又有新書當然掃來看囉，只是今次唔係單單講生活趣事，反倒是講她從老家來到東京尋找做插畫家的夢想…不過世 界難撈話搵就搵咩…夢想未實現先要為五斗米折腰，為生計要到處打工啦…

邊睇邊諗起當年的雙失日子…

畢業打後我是hea到十月才正式番長工，中間的時間頭半是全職搵工(這是好聽一點的叫法…)，後半就開始向現實低頭…邊做part-time邊見工…。無計啦，家人雖然無俾壓力，零用錢也照俾，但無業遊民做得太耐不免會懷疑自己…喂，一個又一個同學搵到工…都唔可以賴經濟唔好啦？﹗可能真係自己有問題…

那一水不時懷疑自己係咪有抑鬱跡象，有一排很怕和同學聚會，怕聽到佢地講返工點點點，同事乜乜乜，又怕俾人問搵工搵成點…。返到屋企呢，又怕自己好像不事生產大食懶(嗚…我都唔想架…)，夜深人靜睡不著，眼光光望住天花板在諗究竟邊度出錯…偶爾仲會諗到眼濕濕…。想訴苦又不敢煩家人和友人太多…常覺苦係訴不 盡，但人家聽自己傾訴卻是有quota的…太快用盡…怕自己會被討厭了…。身在苦海中的人，總係覺得自己係天下第一地慘架嘛。

知女莫若母…當年娘親錫番本人的絕招是…俾廿蚊我落街食下午茶﹗XDDDDDDD

雖說呻是有quota，不過還總得發洩一吓，要是去不了負能量，又怎振作再去努力send信見工呢。那時賦閒在家就是努力將全屋的VCD拎出來睇完又睇，煲完又煲…平嘛要…。上一次搵工期間就喺xanga寫吓呢寫吓路…其實寫博功效真係幾神奇，將不好意思和好友親朋訴說既苦悶之情拍拍拍的打晒出嚟…呀…舒服晒﹗

雖然身在過程當中感覺十分難受，度日如年呀陰公﹗但無當年的我又不會有今日的我，嚐過雙失帶來的不安全感，明白好多野 都唔係必然，短短半年讓自己有莫大得著和成長的說。有真係應該珍惜…不幸無咗也不要氣餒，相信希望在人間，人生就如長途賽跑，一時三刻落後不代表輸晒嘛。 我等故我在~

今年的畢業生，共勉之呢﹗~

延伸閱讀：大學生何價？