英文名

中文名是父親精心改的(根據娘所說…)，從小到大都很欣賞所以沒打算改。父母沒有全包宴順手給我起埋英文名，這個位就可以自由發揮。數數手指，原來我曾經有過3個…

(和曉風水術數的朋友談起，佢話我個中文名的金木水火土成份剛好配合我命格…雖然爹說沒特別計過來改…不過…又會咁啱既﹗)

有無人知點解學校一定要學生改英文名呢？﹗本身叫陳小明的，英文版咪係Chan Siu Ming，老師可以叫Siu Ming啊，何解一定要改個John、Peter、Mary既名，和個人本身好似無乜關係咁…

之所以會改英文名都係學校request，初小時沒改，朋友仔大家都直呼其名，陳大文張小明的叫，好親切。除了幾位教友同學仔從小就有英文名，其他的都好似沒有，又唔覺得特別要有，要懶friend的，咪改花名囉。小時姨姨嗜好同人改英文名，佢改俾我那個我沒特別喜或惡，只覺得有中文名唔叫走去叫英文名有點怪…

高小時老師說要改，咪改。改了影后(奇怪我竟然沒叫自己做Anita…)的名字，諗極都唔明點解，我又唔特別鐘意那個影后喎(我懷疑我係男仔的話會叫自己做Aaron…)，諗到而家都唔到點解…呃。這個名字只用了兩年，升中時轉了。會叫的都只有五六年班的同學仔，不過大家升高中後都沒聯絡，夜深人靜，偶然會很懷念人家叫我那個名的年代…(和學能測驗？)

升中時覺得要型，又覺得小學那個名唔夠型於是再改。我可是很認真的查字典又 聽快譯x千挑萬選的選出來，簡單易讀又易記，一定唔會串錯(有人suggest過我改茱莉安娜…長啲丫個名…)。不過就係太易記(其實…一點也不型…)， 女仔名有一個幾乎同音，男仔名又有一個好易讀到變同音，試過x次因為唔知老師讀邊個名而同撞名的人一齊彈喺身答問題，很火羅。

中學時有些同學年年轉名的，老師得意洋洋的叫Mary~時，同學就神氣的說：「我改咗名叫Ayumi~啦」囧﹗話實年年轉名都唔知佢邊個打邊個…記死人。好些奇怪的名讀音(日文的還好，有很多是自創的說…)直頭考起老師…

曾幾何時，我覺得我會厭掉中學那個自覺很型但一點也不型的英文名，其實升大學時我有認真諗過不如改成差不多讀音那個女仔名… 但用吓用吓，聽慣人地咁叫…懶吓懶吓就用到而家。

改既時候唔覺，中七時突然發覺(叮一聲那種﹗很遲鈍…)，原來呢個唔多型的英文名暗藏本人的中文名於其中…呵，聯上了，我五行要_嘛，連英文名都供埋一份，仲唔相得益彰~其實呢個先係我繼續用這個英文名的原因啊﹗