看展覽：法國大革命&香港故事

搭車行經伊館見到宣傳，上次拿破崙(我常寫錯佢個譯名…原來係崙不是倫…還是叫Napoleon較順口呢…)展走寶了，今回法國大革命不走寶了，趁放假就去看看…

入場前有教育角暖暖身…可以角色扮緊吓「何不食肉靡」西洋版的路易十六老婆瑪麗皇后，也可以「試玩」一吓斷頭台…不過咁唔老黎…會有人試嗎？

看漏了展覽題目"The French Revolutions"的"s"，初頭以為只講1789年推翻路易十六和波旁皇朝那一次，細看才知其實是介紹19世紀法國一整個革命浪潮，包括了路易十八和路易菲力浦政權所引發1830和1848年的革命…仲伸延到1870年代…完全就係我痛苦A-Level日刨夜刨的東東啊﹗

呢舖真係溫故知新，只是內容和我的期望有丁丁咁多多偏差。看展品都側重連續幾次革命對人們思想上的影響(很多展品都描述"Tennis Court Oath"和"The Decoration of the Rights of Man and of the Citizen"﹗博愛平等和自由﹗當年背得好辛苦的說﹗)，而且都係在法蘭西國之內。話實，這系列都不只影響法蘭西國，而且更牽連到整個歐洲，加速現代歐洲出現的說…。邊行邊看，硬覺得展品和介紹可以更多就好啦。

最令人感觸的是，點解1789年革了一次命都仲有人不滿要革多次呢？你估啲人民好得閒咩﹗鬼叫當權者不思進取也不懂與時並進既Louis Philippe(那隻uncle)，要不就是吓吓留戀過去好大喜功的Napoleon III(那隻攪屎棍)，聽不到人民的訴求…唉。以史為鑑，以史為鑑呀。

竟然一點也唔提我覺得勁有型的Prussia chancellor(一時忘了中譯post名…是…呃…) Bismarck，也不提佢work到爆的"blood & iron policy"…話晒都係1848革命的衍生品丫﹗

會有人明我講乜嘛？我想很多人都會覺得歷史很悶，吓吓都要死背死記，試吓當佢娛樂版咁讀咁八，將Napoleon III, William I, Bismarck, Victor Emmanuel II, Cavour等人物當偽才子、周玉女、張師妹、鍚明哥的是是非非咁睇咁講，其實都可以很有趣的說﹗(我活用了傳說中既「娛樂版讀書大法」…會考和高考最高分一科都係history架﹗呵呵…)呢方面的是非有興趣可以搵我講喎，雖然國史(特別係清史)我會比較熟啲，歐洲史就對德意志和日不落較熟…我不喜法蘭西呀﹗

(整篇都在自言自語似的…XDDDDD)
******************************************************
順手行埋同場的「香港故事」展，我記得小時常和一眾表兄弟姐妹去看的說，以前應該是在九龍公園入面的吧？﹗記得以前入去第一個展區就係原始人，去到漁村度船 入面既阿太抱住個蘇蝦真係會出聲…害我以為係真人…幾驚呀…。同埋最後講到現代會有幅以中環為中心的維港圖，當年真係睇到好感動的說…嗚…小小一顆東方之 珠從荒島變身國際大都會啊﹗我好驕傲呀﹗﹗﹗﹗(都係個幾好的公民教育素材喎…)

很多年沒看了，家陣移師(定係一路都喺歷史博物館呢？)到這裡，題目多了開首的幾億萬年前的史前時期岩石點爆…冰河點冰…。和最後香港回歸部份，無咗最後的維港圖呀﹗無咗最讓人(即係我)感動的一part﹗嘩…點解呀？﹗

唔怪得我小時成日都驚香港會陸沉(小時就知港島本來係睡火山…囧)…或飄咗去澳洲啦﹗(你就想呀…)都怪這個展覽了。

漁船那度無咗嚇鬼女人抱住蘇蝦，但多了很多實q姐姐在走來走去…最驚是行到去日佔時期展區…行到入去個人好緊張…不時行啲實q姐姐出嚟…真係俾佢嚇鬼死…佢地著住制服…我仲以為邊個日軍模型會行會郁呀﹗
******************************************************
行完兩個展覽，才發現最吸引我的東東：
 
重點是佢隻眼﹗哈哈哈…