丼日本咖哩~實惠日式咖哩

放工後上堂前餓得手軟腳軟，我決定就算遲到都要食一食﹗但諗咗好耐金鐘確係唔知食乜好(要平又快喎﹗)，就在落巴士時俾我見到呢家店。

本人本來已熱愛日式咖哩甜甜地甘香之餘不太辣(就說本人是唔得辣野…)，加上看完 《あしたの喜多善男》很著意劇中多善男常吃的中村咖哩，好吃到有幸福的感覺喎﹗

當然，呢家Don唔會有咁勁既功效，不過都不錯既。

花多眼亂的餐牌，除了咖哩外還有蛋包飯和拉麵，亦有好幾款小食，碟頭飯/麵30-50蚊上下，小吃廿幾蚊倒，金鐘咁既地方來講都唔算貴啦？﹗

自家製…喎…

呢家店係半自助的，先以自助terminal點菜或到cashier點菜，之後就可以坐定定等店員端上食物。好些食物說要等5分鐘，可能我食的時候還早，在我望吓還餐牌又望吓呢個咖哩的意義時食物就來了。

隨咖哩飯送的肉汁濃湯，個湯肉味很濃，不過無味精湯咁鹹就是了。湯入面有些蛋絲浮著，係無肉的，頗美味。

本人叫了據說是「人氣」的吉列芝士豬扒咖哩飯($55)，飯一端上來就聞到濃濃的香味~。

白飯是日式珍珠米，軟硬適 中，拌一點咖哩汁(不要撈汁啊﹗這可不是咖哩牛腩飯﹗)吃軟軟香香的很開胃啊。然而主角豬扒就有少少唔掂，實在有點鞋口和難咬開，最後我要先肢解後入口， 分開皮、芝士和肉，鋸好才食…umum，芝士頗香的，不過如果可以再溶多點點，唔好咁易將之和豬扒分體會更好囉。

看開飯的食評說這家店是新開的，怪不得經理都落力講解，希望呢個熱誠既服務態度會延續下去啦。

下次我諗我會試海鮮組的朋友。嘻嘻。

丼日本咖哩專門店@開飯
*********************************************

我最愛的精點，呢水個甜品是左邊這個古古力慕絲，拌著微酸的芒果汁，比上次個變種楊枝金露好多了﹗

 (31/1/12後按：呢家店自京奧開幕之後都無去過，仲悄悄執埋添﹗囧﹗)

 
*********************************************
北角十三座牛雜的腸粉，個麻醬相當不錯﹗﹗﹗每次行過都忍不住要篤一篤…