生日宣傳策略

想寫這個題目很久，為了避嫌，免得看倌們以為小的博宣傳，拖拖吓就一個月了…(這也是宣傳嗎？卡卡卡)

生日雖然年年都有，始終是大一歲的證明，想必比其他紀念日多一重義意吧(還會有人將此日視為母親受難日，多謝媽媽痛得要死的將自己生下來呢？)。最好，家人記得和自己慶生；更好，是親朋戚友都記得，送上祝福和禮物；再好，是身邊無論是工友親友朋友書友拖友係人都知自己生日…

不過呢，我們都太忙了，每天都有成千上萬事要做，很多時有意/無意/蓄意忘了旁人生辰。無人記得之下過生日真很孤寂…嗚。所以呢，如何不過火地「提醒」人生日是種學問，太高調會讓人有「R」禮物之嫌，低調得濟人家又可能收唔到…

之所以有「生日宣傳學」之想，乃因小的生日撞正考試季節，讀書年代小的正日不是撞正考試就是study leave，就算回了校大家都只掛著咪書，誰會理人家生日呢…於是，小的就只有送禮份兒，收禮(或有人記得小的生日…)卻少得可憐…嗚(弱小心靈受創了…)。無知小兒就係咁，總喜歡以禮物衝量朋友之間友情，點解我記得你生日…你卻唔記得我既…嗚嘩…。

試過多番暗示終於收到「事先」預祝或「事後」補祝禮物，只是並不特別高興，好像在老屈人家似的。呢個困局，在入了U後慢慢解除了，因為…5月考完試啦嘛﹗卡卡卡…

好啦，高調既唔得，咁點樣低調得來又有效地讓人記得自己生日呢？

女生有樣野係好殺食的：星座﹗這個很多女生都有研究吧(其實我發現很多男生也有…絕對無性別歧視，唔好告我呀﹗)，初相識大家傾吓東傾吓西，拉到星座之講吓你的講吓我的星座，不知不覺中就交換了生日。借故八人家再誘人家問自己生日，尤其是正日臨近時，人家知道了都不好意思扮唔記得，係咁二都要祝吓自己吧…

(舊曆都可以應用的，有人話過過了舊曆正日之後就會行下一年的運，有人研究開生肖命理的話可以西為中用，都得架﹗)

家陣人人都愛飲愛食，做人肉開飯幫人search engine，提供飲食情報，若人家是想為別人慶生，就可以提供邊度有生日電視框，順手話埋因為自己都差唔多時候生日，會去那兒吃乜乜乜所以知道有此等優惠…哈，仲唔中﹗人家又知道自己就生日了…又係唔好意思扮唔知啦…

以前就靠記憶，近年多了icq(仲有人玩嗎？msn好像不用填生辰喎？)、facebook、blog(如有的話)，甚至join會員時都可以填，這樣就可以讓人家不費吹灰之力知道自己生日了。而這樣係咪都填一餐可保證閣下一定會收到若平bday e-card，因為好些forum、membership的系統是會到時到候送張卡過壽星仔女的(詭異﹗Jobsdb都會祝人生日快樂的﹗)。面書更會提人家你何時生日，唔驚人地唔知啦﹗
******************************************
人大了，大了就不想吓吓被人提住幾多歲(忘記佢啦﹗)，話唔重視生日係假既，小時係lur媽媽買玩具的藉口，大個就係俾自己shopping一番(買野使乜等生日？藉口，藉口來的﹗)。咁人大了又出來做野，物質上自給自足；慢慢發現，最溫心的不在於禮物或大餐(當然，食係好重要的，不過食飯點解要等生日呢？藉口﹗又係藉口﹗)，而是沒(怎樣)宣傳之下親朋戚友記得小的生日，這個「記得」不比禮物實在，但更溫心呢…