返鄉下耕田

這是中學年代一位老師常掛在口唇邊的「激勵」語句：「唔勤力讀書…聽返鄉下執牛C呀﹗」umumum，其實她是開玩笑既。今日突然想起這句，開始雲遊如果真係告老歸田的話生活會係點…咪住…其實我唔知我鄉下在祖國的何處何地？﹗真會有甚麼鄉親父老嗎？﹗而我的鄉下究竟係咪我先輩的住家呢？﹗

話實本人從小就好奇我的家鄉會是一個怎樣的地方，蓋因家父是100% made in HK的，而爺爺女麻女麻又沒怎提過鄉下係點樣，於是我只知有這樣一個地方名，用途是寫在手冊上。同時我亦很想知，學校要我們寫藉貫為啥呢？小的讀宗教學校就話有宗教oriented課外活動，但就唔覺有同鄉會組織喎…

講起同鄉會，街上(多數是舊樓)有各鄉各縣的同鄉會，但見來見去都是大路的(地方名可以用大路來形容嗎其實…XDDDD)如潮汕、上海、廣東咁，就係唔覺有細妹的鄉下，我又再懷疑呢個地方係咪真係存在，又或佢會唔會只係一個鄉，一個鎮又或一條村…Orz。本人曾經認真的查地理科的地圖，係搵唔到架﹗

好在而家有偉大的谷哥，谷一谷才知真係有呢個地方既，係一個區仲同香港好近添。但究竟爺爺女麻女麻或太爺太女麻又或太太爺和太太女麻當年住喺邊既呢？天曉得。唔通我都要《向鄉下出發》，發動一個尋根之旅？﹗orz…完全無hints喎大佬…

再維一維基，小的家鄉原來種植很多不同種類的生果出口，咦…咁我真係有potential返鄉下耕田喎﹗同時又有各大商家設廠又有發展旅遊業，原來都好發達架喎…(看，我真的對自己鄉下零認識的…)

在尋根之旅攪得成之前，本人倒是去過很多次家母的家鄉，因為她家族還有很多人留守老家，而且回鄉不特別山長水遠(個多鐘車程而已﹗拍得住香港去新界…)，回鄉飲食是我等常設項目，飲食完後就到處shop(本人注目點是書﹗)，老家所在地路闊車少(而家唔知係唔係了…)，真係行步路都舒服啲，空氣又清新，真係好唔錯的呢﹗但這都是很多年前的事了。尤記得多年前曾經在那兒的大快x吃早餐，當香港的大快x中式早餐最多都係得炒麵白粥的時候，祖國的大快x竟然有點心，仲係拎點心紙出去counter拎點心，食完晒先埋單…快餐得來咁茶樓既？﹗

最恐怖的還是某次到酒家吃飯，長輩點了他的飛佛：「酥炸蠶蛹」OOOOOOOOOOOOOOrz…我滿腦是95年無記台慶一堆對人食虫時何等苦口苦面…咀長O不合…還好阿長輩無說「你唔食就係唔俾面啦﹗」 此等豪言…要不…我個口應該有排都合唔番…

若是到祖國遊覽，本人最響往鄉村小鎮，香港無得感受呢種悠閒氣息嘛。