我是/不是好人？

覺得而家好人難做，街上太多不知真真假假的慘人蹲在街邊，想幫之餘又會想起雜誌說甚麼騙錢集團甚麼的，究竟俾了錢係咪真係幫到人呢又？有行走在街上被人截住，問路還好，借電話、唱散紙時又驚係咪詐騙集團？﹗最老土都係常被搭膊頭問：「小姐你著幾多號size衫？﹗」

唔通我個樣真係咁友善(好呃)？﹗還是做陰質事多所以有需要日行一善呢？orz…

有人問路而本人又唔係趕時間的話都會答既，唔識的話就指佢去睇地圖(好些旺區成街都係地圖真係不錯的說﹗我係路盲呢架嘛…)，咁若然對方係遊客的話等佢感受吓香港人係幾好客吧﹗我懷疑這是職業病，有疑難就要答…orz…。又唔知係咪本人職業病已浮在面上，不論中外同胞問路case都接過，簡直係兩文三語完全生活應用…

不過好人只限指示路向，不包括帶路…蓋因看過某個不知是真是假的fw email，說某個少女好心帶個小朋友返屋企，按門鈴的時候她觸電，之後…哼哼…呢啲都係交俾警察叔叔好了。

除了問路，本人唔知點解(﹗﹗﹗點解成日都係我？)成日有公公婆婆行埋說佢地無帶電話，一是叫我借手提讓他們打返屋企，二是幫他們打電話俾仔女…。 well，呢啲case多數都係長者request，不是說不要敬老，但本人睇得多《警訊》其實都幾驚係偷電話黨，始終係走在街上三唔識七的陌生人嘛，樓下識既就話無所謂啫…。有次在某政府部門排隊時遇到個伯伯問本人借電話，還好後面有個超好中氣的婆婆大聲說：「後面咪有電話囉﹗」(公眾那種)，這樣就免卻本人硬起心腸拒絕人了，呵。

另外一次唔好亂做好人case，某次搭車返學時天橋上有個dee dee(十來歲的)拎住個十蚊銀問我唱錢，我的散紙數完只得七個幾，那沒我就放在掌心「展示」我僅有的散紙，那個dee dee居然趁我展示的時候一手拎走閃咗去…嘩…嘩…嘩…搶野呀﹗﹗﹗之後我醒啦，就算係夠散紙，都要和對方一手交錢一手交貨，七個幾唔係多錢，不過傷透一 個好人既心囉。

本人自覺平時候好事唔多，星期三和六都樂意買吓旗做善事。之不過就很怕商場或街上一大堆中學生和婆婆在賣獎劵或餅乾甚麼的，實在我覺得善事既野發自內心，多多益善少少無拘je，逼人的街上要走出那一道又一道的獎劵人牆時很累人的，更灰是過完一關行去隔離街又有一關…天呀，點解有咁多獎劵賣架？﹗又係中學回憶，當年我校定時定候要我們每人拎五張某機構的獎劵回家賣，不過通常都係家母一次過俾晒。實在，回帶：多多益善少少無拘，想捐幾多應該由捐款人自發，點解吓吓限住每次起碼幾多十蚊呢？

好人難做呀﹗唉呀…
****************************************
今天的開心大發現：

竟然俾我同一時間上42和49位…好勁啊…