CD雜談

看博友卡威治講唱片故事，其中一句講到家吓的人是msn傳歌，想當年可以一餅二餅cd借來借去的，看著看著不無感概，身邊仍買唱片的友人為數不多(雖然都有，唱片業要多謝佢地啦﹗)，大多數…一是不聽(唱k時不時高呼唔識時下新歌…)，二是…umum…弄得買cd好像很奇怪的很為…

其實過多幾年會唔會連買CD呢個行為都變歷史呢？﹗(首先應該是帶成為歷史吧…)

其實這也是一篇讓我們互相了解的啦﹗XDDDDDD

• 就我買的第一張唱片， 好像回了很多次帶…
• 中學年代很濫買，幾乎一星期買一張…做就家陣幾近逼爆的壯觀景象…
• 濫還濫，我是很有要求的…太爛的不會買(就算精品精美…)
• 就因為本人沒買古天樂先生的大碟而被懷疑忠粉程度…
• 基本上一首歌啱聽就會買，經典事件是買陳奕迅debut被人白眼"咁你都買？"，哼哼，家陣咪證明我有品味囉…(千歲笑聲：呵呵呵呵)
• 一見《愛與夢飛行》(古生)和《My way》(敬hins)就想起雙失年代…
• 最憎大盒packing，我懷疑這是我不喜歡現在的古生其中一個原因…
• 隻《陳奕迅》係本人一時飛佛(基本上而家都係)，曾經有次個哥哥來我家整電腦，整整一天本人不停replay這張碟，他聽了不下十次…卒之頂唔住問可唔可以轉碟…哈哈
• 其實最初買楊千fa的唱片是貪隨碟附送的精品…
• 陳生華星年代的出品本人是逢碟都買，家弟竟然唔知…和我同時買了某張精選…好蝕呀…
• 當年很熱愛陳天后，《醉迷情人》聽到爛咁濟，之後的《風花雪》可說是飛佛中的飛佛。之後的不合耳緣，就此拜別。
• 雖則本人很熱愛陳妖lone，不過他初出道時太唇紅齒白，頂不順。去到《心理遊戲》才細聽他的碟…呀，那碟是表妹買的。
• 至於點解本人曾幾何時會熱愛陳天后呢…就是某同學硬將《打開天空》CD塞給我，聽罷發現不賴的說…不過…碟中邱穎欣的歌比陳天后的更悅耳。
• 該同學塞了不止一張給我，還有一隻寶記不知幾多周年的《為全世界唱歌》，封面上是有吳君如的…勁驚…平心而論，首歌其實不賴的…
• 逼人聽歌是當年一個norm，不是本人獨有的啦。
• 只是當年會成隻碟塞俾人聽，現下唔捨得/嫌交收煩，用軟性方法攪掂…
• 其實我唔click王菲，但跟風聽了一輪，買了最搵笨的幾張ep(即係佢生靖童期間新藝寶將一張大碟砍件成幾張ep出街…)
• 但我覺得《菲糜糜之音》很不賴…(《但願人長久》是用來背默書的)
• 之後出於真心欣賞買過《當時的月亮》…後來好似唔知賣咗定借咗俾人…
• 中咒跟風買的還有滿城黃金甲二王子…真係人聽我又聽而已…睇番個封面仲幾令人不安…XDDDDDD
• Hocc的debut碟是愛屋及烏，見佢係梅姐徒弟所以買來聽吓。如果佢唔係梅姐弟子…究竟我會唔會聽呢？
• 在鮮奶遇到某何氏小歌女的粉…介紹之下被逼聽了很多該歌手好歌呢…
• 記得當年為買李克人(唔記得邊隻碟，《就是情歌》？)還是鄭伊麵的《如果天空要下雨》掙扎咗好耐…卒之鄭生嬴咗…
• 其實我覺得《如果天空要下雨》好好聽，當年本人是小環粉絲，仲有買佢隻碟《我要自主》的說…
• oh no，上面第3點不成立了…
• 因為黎明的《傾城之最》，我和整整一年無講過野的同班同學有了話題…
• btw，那張碟92年出，仲係Philips碟面，9字尾時勁難搵兼且賣成120個大洋…
• 唔好理唱功如何，鄭生和黎天王的舊歌都是相當不賴…
• 有個同學常逼人聽關淑怡(All time favourite那張？還是《人生可有知己》那水呢？)…唔怪得聽SK舊歌會有種莫名熟悉感覺…
• 最friend一個同學是鄭天后粉，於是我明明唔鐘意佢但又很熟佢既歌…
• 當年呢位同學是很憎陳天后和楊千fa，偏偏我很buy呢兩個喎…
• 另一同學是草蜢粉，她強烈推介《三人主義》(足足推介了一個學期)
• 當年我沒反推介郭富城或古巨基，反倒是逼人聽安室，聽到完全唔識JPOP的朋友識《Can you celebrate?》和《Don't Wanna Cry》，叻呢﹗
• 某SO永康粉絲推歌推到送我一張《情來自有方》結他譜…但個問題係…我唔識彈結他的…
• 某年本人生日收到靜婷姐姐的《梁祝》…orz
• 本人回禮是秋官的《書劍恩仇錄》，一曲《熊熊聖火》都值回票價啦﹗
• 某同學話磚爐的《愛上殺手》其實幾好聽丫…卒之得到磚爐大碟乙張為生日禮物。
• 試過買完某張精選大碟覺得很爛，轉手借花敬佛送給該歌手粉絲做壽禮，該同學感動至極…oh…我該慚愧了…
• 當年不知消費者權益，Boyzone隻《By Request》奇情中奇情，一時聽到一時跳線…卒之啦啦聲dub落帶度算，實在我應該跟唱片公司換貨嘛…
• 諗起最近買的敬hins x 二彎娜拉闊DVD，都係睇唔到…但我掉咗張單…
• 曾幾何時新年會在馬交過新年長假，百無聊賴就是dub碟終日。每次都滿帶而歸。
• 另一節目是買碟，雖然明知信和買碟比馬交更平。
• 范曉萱的《好想談戀愛》就是在馬交買的啦。放在背包裡壓到個盒碎晒…
• 梅姐的《情歌》都是拆利是錢買的…好像是在信德中心…
• 聽小魔女多多少少是被某忠粉同學影響，有一水忠到連兒歌碟都買，雖然…我覺得《冰淇淋的祈禱》入面首《健康歌》實在是很過癮…當年的她唱小丸子改編的歌(忘了歌名…)比旺嫂更入型入格呢﹗
• 不過本人最飛佛還是她鏟頭後的《氧氣》…
• 表妹是唱片來源一個重要source…她塞給我的《風花雪》我覺得很不錯耶﹗
• 試過兩次放碟，拿一大棟碟只放到三四十蚊…很搵笨耶﹗(這可能是和我不懂議價有關)
• 很喜歡泡二手店搵好野…尋寶的過程叫人很沉迷…
• 你知道我搵到蕭賀碩隻碟(仲要喺賣新碟的CD店)時有幾開心嗎？
• 我家人很愛聽演歌天后的《傻女》、《紅茶館》等歌，本人最愛是《我寂寞》，那隻碟近年又在二手店搵到~回憶啊…
• 飛佛是《從今直到永恆》…
• 當年dub落的帶其實都聽到的，不過我設施不周無機聽，唯有掉轉頭搵番當年沒買的唱片留個念囉…
• 很多郭先生《請把我的情感帶回家》前後的台版碟都是二手店執的…
• 沒去過過簽唱會，唯一一張簽名唱片是從二手碟以28個大洋入的。
• Kinki Kids我去到《E Album》才中招，之前A-D都是在二手店執，仲要極平價執日本版喎﹗
• 很掛住當年和同學夾錢買的《純真傳說》…有條鍊的…最後隻碟落入同學仔手中…
• 之後某同學說夾粉買張學友某張舊碟…我沒理佢了…點解要夾呢其實？
• 多得皮球將舊碟復刻，我才可以買番唔知邊年的聖誕禮物~《廣播道fans殺人事件》…

11/2/13後按：做乜完得咁突然既呢篇文？