雞同鴨講

 我沒有用photoshop改過的，大大隻字：「24小時申請專線」…

 啦啦啦，再入官網，這個好多8字的電話一樣叫做「申請專線」…

一聽到「申請專線」，好自然覺得只要打這個電話表明想申請甚麼甚麼服務就會有專人弄妥，約好時間等師傅上門安裝，done，咪用得囉﹗

我的理解沒錯吧？﹗

但很奇的是，這個偉大的「申請專線」…是不能申請服務的，佢只會詳盡到加零1解釋有關服務的詳情，但確認申請、約師傅上門等是要打另一個電話的。本人夜晚8:30上下(睇完《同事三分親》)打這個傳說中的「申請專線」去申請，只有被激到兩腳伸伸… 天呀…這個不知所謂的「服務專線」是24小時，但真正的服務專線「客戶熱線」(1字頭那個)卻是9點收工，仲要準時到無朋友，結果，當然是我不能當晚申請 到啦…

打番去「申請專線」求救，想他們幫我傳遞一下我的申請…哈，得到的回覆是二幫資料不相通的﹗喂，你內部係點關我乜事先？FINE，翌日再打1字頭的唔係叫申請但真係申請的熱線，哈哈﹗打10年都打唔通﹗這個熱線應該叫「永不打通絕望客戶熱線」。

某日行經專門店打算入內看看可不可以直接填form申請，誰不知係唔可以架﹗哈哈哈哈(又苦笑了)，親切的sales叔叔看著本人O著的咀，主動出手幫本人打上那條「永不打通絕望客戶熱線」…誰不知…即舖示範也是打不通﹗哈哈哈哈(又苦笑)…

幾經辛苦終於攪掂，可恨的是…簽了約，轉不了，氣還有排要受…救命呀…

*************************************************

這還不是雞同鴨講的極致，可以再勁啲的。

A：其實個report一路都係aaaa方法做，而家轉咗bbbb方法好像將事情弄得複雜了…

B：我轉bbbb方法係諗住方便你咋，咁你覺得點先好呢？

A：(方…你個死人頭…你在加重我workload耶﹗怕咗你，而家係你想點不是我想點耶﹗)umum，其實我一路都係aaaa咁做，不過你地那邊如果覺得bbbb好的話，不如bbbb吧？

B：咁樣唔係幾好既，不如cccc？

A：(吓？咪同bbbb一樣…你想點？)不如我recap一次，你即係想bbbb係咪？

B：唔係，你話唔方便嘛，我意思係dddd…

A：(你想點呀究竟…)其實對我自己範疇以內做法都係咁，只係你究竟想我點present番俾你呢？係咪bbbb？

B：我唔想令件事複雜咗，如果你覺得aaaa好的話，不如就取其中間路線eeee？

A：(@#%@#^$#@%#$爆炸…)你…想點就點啦…

好在當場無菜刀，要不肯定會發生辦公室血案﹗