現下煲到第一輯第七集，印象最深的是…雖然步姐震音好難受，我竟然覺得呢首片尾曲《How Beautiful You Are》好好聽，雖然震音真係好難受，但簡單寧靜的編曲好配合鎌倉的感覺…再睇維基，第二輯主題曲都係步姐唱的(《Hello new me》)，然後ending係小泉姨和中井貴一叔叔的《T字路》﹗
07/01/2016後按：終於開始睇續篇啦~~~~
(重要的事要講三次…我真係覺得步姐震得太over呢…intro頭幾句已經在震…做乜啫…)
又因為呢套劇太傳頌，看之前已睇過好多劇情介紹，大概知講乜，即係條感情線呢被爆咗會點，睇落好似少咗啲樂趣…
講起《海街日記》，日劇/戲個setting真係好鐘意如果那家庭因為某啲原因父母不在(或不同住)，就會由長男/女擔起頭家，然後佢地一家係相當之古肅和有責任感，成日為咗頭家放棄自己夢想呀盛盛盛咁，then之後的一定有個性格古怪，有個開朗活潑，講起都覺得勁似《同一屋簷下》…
然後編劇係岡田惠和，我又忍不住link up咗去《夢想加州》、《Beach Boys》，硬覺得會係啲寧寧靜靜然後間地裡溫心，即係呢，沒有太大起伏，但睇得好舒服(押韻了﹗)的一類啦…
大哥長倉和平(中井貴一)鎌倉市役所観光推進課課長，跟住佢神推鬼own地同媽媽大橋秀子(美保純)和阿女屬下大橋知美(佐津川愛美)，加埋吉野千明(小泉今日子)，件事好《海女》呀﹗美保純姨姨就係《海女》既熊谷美寿々嘛，然後我成日覺得千明應該係有個女既…佢唔係事業型女性嚟架…囧﹗
Sorry，我side track咗(一如以往地)，咁呢，即係呢，長倉家長男和平係個古古肅肅的單親爸爸，喺市役所做個穩穩妥妥的課長，then二女典子(飯島直子)係家庭主婦(﹗﹗﹗﹗﹗﹗﹗)，但就bilibala好外向型的乜都講一餐，同老公阿仔夾唔到就成日跑番娘家，又成日走去住娘家隔離的千明家度飲酒傾計，好好笑(完全就係《海街日記》長澤囉﹗)，三女万理子(內田有紀)和真平(坂口憲二)是龍鳳胎…呃﹗仲爆過李克人和梁漢文是孖仔喎﹗然後一個是自閉？﹗一個因為有隱疾而扮作好人天使隱藏自己真心，全屋最正常又常阻止大家鬧交的…係和平個女えりな，笑咗，明明細路但就成日講啲意外地成熟既說話…又加入典子、万理子和千明的女子組傾計會度…囧﹗
我想話呢，《偽裝夫婦》內田姐姐演喜歡天海姐的詩織，呢部佢對千明又有啲奧妙…原來唔係第一次架啦喎…
睇佢地一家打打鬧鬧幾開心的(這是家庭劇的定律吧？﹗)，then佢地之間誤會呀乜事呀係需要一個外人去解決…呢個時候就要搵千明(小泉姨)…睇得《海女》媽媽太多一時間接受唔到佢係45歲電視劇producer添…而佢同和平鬧交互寸係好好笑。then集集通常都有啲人生道理呀、人到中年的頓悟，通常都係千明講的。呀，我想話，雖然到中年，工作時幹練，私底下活得自在，有愛就去追(一時間由大媽變番少女…)，有friend就去約，都不賴吧﹗
勁認真地睇無乜cap圖，傳說這一部因為太受歡迎所以出sp又出續篇，而且難得地沒有攪爛了第一部的美好觀感…所以我滿期待的，繼續努力煲﹗
然後我去了看看：新春東京遊(3)~《倒數最後第二次戀愛》．極樂寺．鎌倉
然後我去了看看：新春東京遊(3)~《倒數最後第二次戀愛》．極樂寺．鎌倉
沒有留言:
張貼留言
要講幾句嗎？﹗XD