又到好想重溫的時候…我個list好多呢啲我自覺好好睇但無乜人提起的自覺鉅著…哈哈。
無睇咁耐再睇番，long time no see既皇冠和綠色制服…同埋啲主角好瘦…哈哈哈…
如果有得買番正版碟可否告知小的？我好想買番餅嚟珍藏…哈
小的係轉咗去新機場之後先第一次坐飛機，而家再睇番啟德年代滿有風味的…雖然只係兩野實景…之後就變番好假和流fei的廠景…
後面的係聖誕樹嗎？好流fei呀﹗哈哈哈…96年有X光架啦嘛…咁唔先進既個控制室(果然無budget既成果就係咁…《天地男兒》認真到喺廠度整個有lift既景，又鬼咁多電腦扮銀行…)…我以為我睇緊66年既Batman呀~~~
仲有啲字幕可唔可以唔好一時係章一時係張呢…喜爺角色係姓章架﹗如果我無記錯…我印象好似係先睇呢套再睇《闔府統請》的…於是當年我巧驚恐點解有條友做紀律部隊咁似…then無啦啦走去攪笑做廚師…事後先知…佢老哥真係當過差架(佢會唔會好悶做乜拍劇又要著制服呢…哈哈)
成套劇啲人都好瘦，小環除外…佢那時俾歐陽波比笑佢係西環浮屍…睇番又真係幾腫~但不失可愛的…(都說我當年好like佢)…仲有呢，曼娜姐好少有地做賢惠媽媽…又如果我無記錯…佢那個走咗佬既老公…好似係大口青…
<--我都話成套劇啲人好瘦架啦﹗《爸爸閉翳》時喜爺和波比塞爆個芒的說﹗話說套劇之後阿章sir會做臥底…佢呢個頭昂昂啤人樣一開始已經有架啦喎原來…由於時間關係，我極速飛咗去尾度睇咗大結局，話說波比演既葉沙展係cool cool地又火爆，但去到尾佢無啦啦露出真性情會講笑和衰聲…好唔慣添…以為睇緊《皇庭》余在春呀﹗
90年代男生必留過的郭城城式杜拉格斯刀片頭呀﹗好好笑呀個樣，基於佢只係調查隊內的隊員，其實都係得群戲…。原來當年17哥已經戴眼鏡…哈哈哈。佢之後因為一心出唱片而無拍劇，但又因為經濟唔好做唔成歌手(只留下被我傳頌千古的《心理遊戲》)，卒之無野撈了一水先有得去亞記開工，真係，每人都有一匹布咁長既辛酸史…
黎視帝個老婆…係…梁詠琳呀﹗硬覺得應該要有埋麥包先夠勁﹗阿，仲有個女角係陳妙瑛，阿陳博士未出場的說…
呀，我琴晚才看了兩集…再想講既係呢，喜爺當年的格仔衫…有個型喺度…我係有跟住去佐記(劇尾啲end roll好似係levi's來的)買架…哈哈哈…
再續，以上。
其他《緝私群英》：
[港劇]最喜愛的回顧~5(完)~時裝片
關於陳展鵬的開心大發現
熱煲系列5~：王喜篇
[雜談]我最「難忘」的電視劇角色…@TBB
你唔講都睇唔出果個係17哥呀~
回覆刪除我都係前幾年睇完《真相》起17哥底先知佢有份演出呢套力作的說…哈
刪除乜原來17哥係做無線先架？我以為佢係亞視出身架！！！ XDDD
回覆刪除佢係無記出身架，一開始入訓練班，跟住簽咗寶麗金想出碟，但唱片公司覺得拍劇會兼顧唔到於是佢就quit咗演員嗰part，點知撞正97金融風暴，就無野撈直到去亞記…之後先番返無記~~
刪除