搵食…啫…

是咁的，琴日fb洗版項目是黃家強跟特首笑晒口合照，又一齊合唱《喜歡你》(見呢度)，街坊反應就是驚訝嚇親O咀…

我不是Beyond粉絲，但我明作為粉的時候見到呢張相的震撼…then看到上面link的文也解釋了合唱和合照背後一點關聯…然後，我腦中飄起的是黃子華的一句「搵食啫」…



我嘗試先不把事情跟尊貴特首扣上先。

我記得n年前有人講(定一篇文？我唔記得啦)，梅姐因為參加過89義演，之後一直唔到內地演唱，筆者說如果她沒過身，究竟會唔會喺03年沙士後打內地市場？(然而…《十面埋伏》不就是合拍片嗎？﹗)…any肥，這個說法一直在我腦中飄著，係喎，究竟會唔會呢？做政協？做商人？做埋領導人？然後…然後，呢個時候…我係咪應該慶幸沒有然後，因為一切都停在03年，故事只有梅媽和佢阿哥得閒走出嚟話無錢要打官司盛盛盛的新聞。

家駒如果無過身係咪會繼續rock & roll never die？如果好似古惑仔咁得閒出嚟死不斷氣地《歲月友情》/《友情歲月》/《月歲情友》/《友月歲情》地reloop(其實上年個《歲月友情》我有乒紅館睇…睇到金界櫈…XD)…我係咪會好眼冤…then哥哥無自殺又會點？會唔會同倫伯合作攪30次世紀敵手難逢經典金曲重唱一百轉世界巡迴演唱會(但世界其實係國內巡唱)…呢個時候我係咪應該慶幸沒有然後…當然，老本既野唔係人人食得起，如倫伯咁求其搵五、六隻碟出嚟都夠編個rundown出個show，我又真係吹佢唔脹一天到晚跟不同的人開經典金曲演唱會，重點是…有人入場嘛…大家都懷念集體回憶嘛(ok…草蜢我幫襯咗兩年都沒有再買飛睇了…)…

他們過世的時候我當然婉惜，但轉念一想沒有機會看到他們做出令我眼冤的行為，應該倒抽一口涼氣地感概…好在啫…

去世了的人沒有然後，在回憶中當然美好，在世的人呢？如果如文所說因為是老闆活動，老闆又是那個黨的人…咁個黨既event請了尊貴嘉賓，咁合唱一曲娛賓在所難免…說「背棄了理想」甚麼的…係咪粉絲硬將阿哥的光環寄托在細佬上，有期望所以先噢咀得咁勁…或是我們都太天真了…太陳舊了吧…搵食啫…

只能說，偶像有限期的，當前幾天聽到古眼神以慘叫式的唱腔唱出佢個人的結婚進行曲《我與你》時…呀…真係今時唔同往日，已經唔係廿年前那回事了。呢種唱腔或許是今天的粉絲所熱愛，係我小眾呢…

識時務者魏俊傑(<--真係好鐘意呢句)，偶像都係人，搵食好為更大發圍好，我明既，當年的美好回憶，我應該將佢收起，眼冤傷我自己身而已。

有感而發啫，除了那首慘叫到不行的歌，郭天王那個慢一點的愛戀也令我驚恐你在攪甚麼呀…然後我想起，所以很久以前我沒有再封他做偶像了。