讀書報告2015＃6~寫小說

村上桑的小說呢…我…um…其實…

我比較喜歡看他的散文，原因不明，粉別打我。

any肥，想說的，其實是日文堂的功課…就是…寫小說…囧﹗

我有無話我喺P記上緊堂？(P記是啥見呢度)um，佢地好鐘意每個term都整啲group work架嘛，遠古的年代有一齊寫啲文砌埋做報紙(而我係好鐘意做最後砌埋一齊的工作，攪layout出到嚟真係似報紙好開心的，word咋喎我用)，之前試過搵人做訪問…um，花樣是多過太空的presentation，但又掉轉，group project最煩就係花時間，大家又忙工作又忙去玩，有時都幾難就時間的…(這是原因嘛…)…

um，總之呢，個group work通常都係就個topic寫啲野跟住大家砌埋一齊咁。呢個term的新玩意是寫。小。說﹗一聽真係噢咗咀…老師俾我地睇前人的大作，雖然說是短編同埋係大家一齊寫的，但都係丫…寫篇文和寫小說唔同架嘛，噢了一大個的咀。又因為班人同學大家都忙，通常是沒有一堂儲得齊全部人上堂嚟決定題目，卒之…老師說可以各自諗題目各自寫。然後我寫乜呢…哈哈哈﹗就係我最嗱手的…偶像﹗哈哈…唔係小說來的，係散文﹗睇睇埋咁多酒井順子，係時候拎出嚟用啦﹗

前文和結語再加若干篇的內文其實唔難(blog度都大把寫落咗啦)，要轉化為日文先難啊﹗我的語彙、文型…特別係連接詞那些用嚟用去都係那些，記得有啲phrase好似唔知喺邊本書或睇邊套劇見過但又諗唔起，想言簡意賅但又詞不達意…打個outline都打了兩天(點解我會有兩天咁有閒情打文…就因為上堂的那個老師好…um…總之令我覺得需要搵啲有意義既野來做啦﹗)

天意是…呢個時候我開了村上春樹的這本書來看，跟住，我發現佢有好多內容就係我想表達的意思…但又唔知應該用邊啲字詞嚟表達喎﹗我都未試過睇書睇到唔理喺架巴士度勁搖勁盛，總之要間底佢做啲筆記提自己之後可以用這個…真係考試都無咁認真溫書…

因為咁樣不停搭車睇，放在袋裡的這本硬皮版個紙套就皺晒…囧﹗

而我的功課初稿…當然係被老師改到滿江紅…哈哈哈。而家收到改正後可以開始發功寫文，我諗我有啲玩大咗…因為我諗了十幾個內文…唔知可以寫到幾多…但如果努力寫晒出嚟應該會好開心…或者我應該去印一本出嚟俾自己留念…哈。

村上說，佢點解會寫小說…就係唔知點解好想寫就唔知點解去買紙和筆就唔知點解地寫咗出嚟。今次…我係唔知點解地好有熱誠做呢份功課又唔知點解地好想寫多啲野(仲諗住影相添﹗)…唔知點解…哈哈，就係唔知點解啦。

小時候寫書做作家都係我其中一個願望嚟架。

呀，然下拎住部腦去到邊都可以打文真係好方便，又說，因為我成日改，又成日加加減減，用原稿紙都唔知會刪到點…真係要感嘆科技先進多好了。