東京下町遊(5)~走馬看花

哈，等我又跟風做吓港女必做行為先…

book完機票先知原來呢班機係中轉的，於是有好多飛美國的人上機…跟住就俾我影到呢個moment…西雅…田…(我好無聊…)

因為我怕死所以全程都唔敢開手提…快悶死我了…瞓又瞓唔得舒服，於是狂睇戲(但我見到有人未降落就玩candy crush囉﹗)。而，一起飛就有人暈倒了(囧﹗)，機組人員就好似《善良的男人》咁問機上面有無醫護人員喺度啦，可惜行出來的唔係女林哥哥係一個洋人叔叔…囧。

之後，差不多到成田時有氣流，因為小的睡得正甜，仲諗緊架車做乜咁搖(﹗)…咦，我坐緊飛機架喎﹗開窗一看…咦，已經見到機才周邊的田地了(田地…哈哈)，不過都唔係搖得好勁既，好快就著陸，乘客竟然拍手起來…我以為我睇緊荷里活啲空難片喎﹗(大吉利是﹗)

由於無歌聽又無機打，又唔想睇書，於是喪玩呢舊野，個Bejeweled Blitz嚴重唔好玩…於是我睇了n咁多部戲…最後卻只有一部睇得完，仲要分來回兩次睇…囧﹗

在skyliner和access之間諗了一輪後，skyliner因為時間就到而且快，於是在機場攪完上網卡的東東後就飛奔去買飛了。好在我同張飛合照了一番可以留念…XD

而，skyliner內的screen呢，啲中文字好奇怪…可以請我執吓啲字嗎？另外有埋泡文…

好準時﹗說好兩點四十三分到上野真係到倒喎﹗好強大耶﹗

在日幾天相依為命的西瓜卡和酒店卡，你叫我吓吓入銀仔買飛真係好煩囉，要跟路線買一日券又係好煩囉，都係每天喝西瓜卡食1000 yen比較乾手淨腳…

因為搭地車已經很方便，加之於想搭但又唔知邊度落車，廢事諗所以沒有搭得成巴士，張西瓜卡都係用嚟搭地車多，有一次想用嚟在便利店買野…典知唔夠錢…呃…我用了八達通mode…咁唔夠咪扣按金囉…原來唔得的…XDDDDD

經常出沒的淺草站…就說是沒電梯也沒扶手電梯，喺站度死拖個喼落月台時我見到《八重之櫻》的poster︰因為有逆境先有盛開的花﹗嘩﹗賜我力量呀﹗(<--癲咗)

經常在車站或地下商店街見到的無印kiosk，雖然入到去無乜啱我心水的東東…不過行過買吓小食買吓浴鹽都開心丫…呀，在family mart都有無印小corner的說…

日劇成日有既在車軌自殺情節…um，真係好下町feel呢…

再貼一吓，這幾天的行程如下：

• 機場à(上野)à淺草à銀座
• 東京駅à御茶之水à神保町à神樂坂à吉祥寺à新宿
• 巢鴨à新大久保à西荻窪à下北澤à自由之丘à涉谷à池袋
• 上野à秋葉原à神樂坂à淺草à機場

等我呃多幾篇文…再續﹗哈哈。
(26/8/13後按：7月之旅都寫完，這個的呃文…是無影的了…哈哈)