東京下町遊(3)~飲飲食食@淺草~下

續上集，先是在浅草的うまいもん あづま。

話說在仲見世通的商店街來閒逛著的時候見到這家店，見到佢店面有啲好強大既display，有壽司、洋食、定食、甜品(日式的)等等，再望一望，咦﹗花見便當喎﹗睇櫻花睇到連食飯時都有得睇，好開心喎﹗






來一個近鏡，刺身飯是唔夠平時丼局那些咁豐富既，不過都ok啦，樣樣有啲咁。熱食方面，那個淹到濕濕地的墨魚是好味的，口味仲相當廣東吓。另外一舊似威化餅的東東…是奇怪的東西，食完都唔知係食咗乜。

個湯清清地中間飄著朵櫻花的東東，但吃下去是苦的﹗XDDDDD。最後把甜點士多啤梨和疑似福餅的東東食埋後，飽了，完。(其實我還心思思想去搵甜品吃的)

花見便當1,300 YEN左右，跟香港食丼不相上下。

************************************************

酒店其實唔包早餐的，不過咁強大說有早餐BUFFET咪又試吓…呃，1050 YEN的早餐…詭異地有麻婆豆腐同啲奇怪既蛋…呃…我都係去食麵好了…

************************************************

這個浅草ときわ食堂原來是大正11年創業的﹗真係家家店都有咁上吓歷史喎﹗無既，行過見到門口的東東好似好好味，跟住望望吓，蔥吞拿魚飯定食都係980 YEN，完全忘記了我其實係唔食蔥的，上枱的時候…囧了…

補番張門口的相…經我一番努力，大致上整走晒啦﹗哈哈哈，我打完齋唔要和尚了，只要蔥味不要實體的蔥…XD。走在街上見到好多呢啲唔貴既和食食店，只可惜我試唔晒咁多了…

************************************************

在METRO淺草站的地下(殘舊)商店街(很詭異的這條街…)裡，有著這樣一家要企喺度食的蕎麥麵，佢係要自己買飛然後俾店家等佢俾碗麵你，呢個時候你可以自己去斟杯水飲住先。當我想同張飛影個相的時候…叔叔發現我就搶走我張飛了…囧﹗

話說這是一個早餐…(囧﹗)，朝早的時候很多SALARYMAN去食個360 YEN的蕎麥麵(就是甚麼料也沒有的)…而小的見到佢甚麼春天特別限定…就叫了右圖這個…是很詭異有很多小蝦、野菜炸埋一堆的東西…都是OK既…

************************************************

早餐是需要吃麵包的﹗只是我不需要咁大個膠袋呀﹗

以上。再續。