東京下町遊(2)~飲飲食食@淺草~上

唔計飛機餐的話，我食的第一餐就係淺草的梅園了。

(我果然最愛是飲飲食食了~哈哈哈哈)

先由淺草說起吧﹗

雖然係睇了好多景點書，不過都無特別指定話邊家一定要去咁，CHECK-IN放低行李後在淺草到處走走(也打探吓地型先嘛﹗)，在淺草寺向番雷門方向的仲見世商店街行行看看，忽然見到某條橫巷裡的梅園﹗下午三點幾四點，係食TEA多過食正餐既﹗

百年老店(就是我追尋的下町風味了﹗)嘛，店內都古色古香的，在店門口沒細看那碗跟這碗有甚麼分別，但見點的這個有抹業雪糕又有湯圓又有紅豆好開心的(食完真係好開心…和好飽﹗)，就點囉。一入去有有嬸嬸問我幾多人，我以為佢會帶我坐低時…跟住…佢指番我去買飛先…囧了﹗跟住我得到一張紙仔狀的飛，嬸嬸示意叫我坐低等，之後就有另一個姐姐拎了杯茶過來，竟然有茶飲啊﹗

之後先發現有滿開SET，有櫻花烏冬和櫻餅，都係893 YEN，跟我那碗東東735 YEN比起上來好似好抵喎﹗(滿街都是櫻花特別SET﹗)

旅遊書都說這家店經常人頭湧湧，但我去到的時候係滿，但又無人堆埋，總之不停人來人往的，是我好運了嗎？哈哈哈。跟住幾天都心思思想再挑戰，不過又想試多啲其他野，卒之都無再食了。另，在松屋百貨地庫見到有個梅園BOOTH，都差啲買架啦，不過夜晚食完飯又飽到上心口…卒之都無再食了。

店家有網頁的﹗

*******************************************************

看過一本書對神谷バー大力推介，跟住店又在松屋百貨斜對面，一出站就見到，望住門口的食物樣版口水都流了…和風洋食啊﹗記得那本書(但是那本書呢？我都唔記得了)讚到天上有天下無的，諗都唔諗就入去了。好喜歡佢既昭和風味啊﹗三層的餐廳地下是BAR，二樓是洋食和喫茶店，三樓是和風餐廳，小的直奔了去二樓開餐囉。

餐牌都整得好懷舊(還是開店之後就無轉過呢？)，那天晚上好多上班族在飲酒談笑，原來都唔止一樓BAR喎，二樓餐廳都可以照飲的說。

就是和風洋食，和風的地方是…我點洋食但會有豆子做前菜﹗甜甜的一粒一粒食吓食吓就食晒了。UM，我在紅酒煮牛肉和漢堡扒中間諗了很久終於選定了漢堡扒﹗好好味﹗JUICY之餘肉質很有0爵頭(即是說很有口感了？)

那本書真係好推介呢﹗但究竟是那本書呢？一個謎﹗店家網頁。
*******************************************************

因為酒店唔包早餐，附近的食店大都11點才開，無野好食無聊的我走去MOS BURGER開餐…這個只有多士的套餐都要280 YEN啊﹗囧﹗(於是，本來好有興致第二日去BURGER KING的…都係唔好了…)

*******************************************************

看書都說三定的天婦羅一定要食，但我每次行過都係勁多人，我怕人多嘛﹗反而某日因為行錯路而變相遊了一大個圈淺草，望一望，咦，大黑家11點就開店，仲有十五分鐘咋喎﹗就坐低等啦，試吓佢個天丼都好喎﹗ 

貪心叫了天丼定食，先來的前菜那舊蛋和魚蛋的東東好好味﹗另上兩粒就有啲似墨魚丸…囧﹗

主角來了，無怪乎有啲BLOG說這個炸出來因為沾上太多汁所以天婦羅都軟了，而且汁的味太勁都被掩蓋了…死啦，我鐘意呢啲重口味喎﹗

這一個有兩件魚、一大隻蝦和一塊…魚和蛋和啲唔知咩野炸埋一齊的東東，我覺得OK喎﹗無乜汁的話我都會落一些…我怕熱氣啊﹗

又說，唔知我食埋三定的話仲會唔會咁講呢？﹗哈哈哈

*******************************************************
之後再續﹗

東京下町遊(3)~飲飲食食@淺草~下