手提．號碼

原來，我已經用過三個手提電話號碼，第二和第三個疊住一齊用了一輪後，第二號會於下個月退役，不無感概。

第一個號碼是n年前出第一個手提是跟台出的，尤記得當年是出CDMA(仲有人記得是甚麼了？我n-m年前舊文問過同一個問題，哈﹗)，只用了年幾…因為…無野既，約滿想轉過部靚啲潮啲既手提，CDMA無插卡的，即係要用死佢，咁我梗係唔容許呢啲事發生架嘛，就等約滿轉台又換機。至於點解唔係帶號碼過台…呃，我都唔記得了。

出了新號碼(就是我的第二號)，袋住舊機和新機，好不興奮，返屋企就第一時間喺ICQ公告天下，第二件事就係喺新機喪入電話(當年無咁先進可以喺電訊商門市由舊SIM卡轉去新SIM卡嘛，要逐個逐個打架﹗)。那種興奮竟然歷歷在目，但當年的號碼呢？嘩，唔記得了。

當年應該只係要UPDATE同學和更新學校、銀行聯絡資料。電話簿裡無聯絡的舊同…就斷纜了。

第二號用了好耐，直到前三年出唉窿才有了第三號。小的是身痕的嘛，想做就做那種，都不等第二號約滿就去出電話，諗住約滿咪CUT咗第二號囉。到約滿時又捨不得，生怕和舊相識就此斷絕…只是，從來不打給我的人…不會打就不會打，打得嚟都係無事不登三寶殿…吧？狠下決心打去電訊商CUT台時又俾佢SELL到，轉了個最CHEAP的幾十蚊嚟KEEP住個號碼，長飛到第三號那樹。就咁又一年，卒之，今年決定CUT咗佢。

唔知呢，個感覺好REFRESH，打第二號俾我的不知不覺間由我識的人變成我唔識的人…SELL野既多囉，之後就係同同，因為我地成日走嚟走去唔喺位嘛，打手提最直接了當。個手提係我私人但變了公家野囉﹗囧﹗

拋掉了舊號，SELL野的人搵唔到我，耳根唔知會唔會清靜一點…

因為WHATSAPP用第三號，於是一路會打俾我的人都被通知第三號(但都有人死都要SEND MSG去第二號…跟住話我成日唔理佢…囧﹗)，咁一路唔會打俾我的人就隨風飛逝，順手可以清減一吓，以前我會好驚跟舊友失聯絡而死都唔DELETE，還是重質好一點，清減了的CONTACT LIST令人心情舒暢，非常好。

現實一點說，因為上年已經預謀CUT第二號，於是搵工、新司、新同全都用第三號，問題就是我(完全)唔記得邊間銀行邊間學校是第二號還是第三號(扯頭髮﹗)，跟住想ONLINE改資料先發現我連PW都唔知﹗(痕身銀行再發PW的話要落分行簽野，跟住我辛苦地爬進一家時佢話那家只做尊貴客戶唔做普通客，但我無時間過對面馬路那家啦﹗那一刻真係好囧…唉…卒之又拖著無咗件事，公司附近無銀行的苦情不受體諒呀﹗)((反而瓜皮銀行可以即刻喺網上再開PW仲可以即時開埋網上銀行睇STATEMENT喎﹗))比較擔心的是因為CUT第二號所以佢地有乜事搵唔到我(大意人就是成日會寫錯CHEQUE資料，哈哈﹗)

四月變番一號傍身，簡單自在，多好。