[飲食雜碎]SABATINI、札幌拉麵

<<<我抄飯友影碟…哈哈哈

SABATINI店門口話說是有一個叫人唔好在餐廳內用電話的告示牌，不過好明顯無人理佢…我由頭到尾係咁影…哈哈哈﹗

因為上堂OVERRUN了於是趕到去時到點幾了(應該開始了個幾鐘了？)…不過唔緊要啦，反正我戰鬥力不太高。自助餐枱主打分三個區域，一是左邊的海鮮(我咁唔鐘意整污漕手於是無拎蟹腳)，巴馬火腿和三文魚拎了一點，龍蝦…呃…除了爽口外…就係爽口囉…好像無乜味道的。反倒是加了點蒜泥的青口很香口。

第二區是燒烤和CARVING區。我行埋去切羊腿時已經係水尾了…於是有點硬和咬開…囧

應該是每人都會有的三文魚甚麼甚麼多士，底下藏了很多紅椒耶﹗SORRY，我知係咁揀來揀去是很失禮的…但我揀飲擇食嘛，原諒我吧﹗

第三個區域就係甜品區了，我又在人家食緊MAIN COURSE熱盤時走去食甜品。麵包布甸是小的飛佛，也是個很難整得難食的甜品吧？TIRAMISU CREAM很香，不過係好似無乜索了酒的蛋糕去BALANCE番個TEXTURE和甜度，好似一味在食CREAM咁，有啲奇怪。隔離的無糖燉蛋細細兜好好味。(個位無乜燈，影出嚟乜都黑媽媽的…XD)

這個BUFFET包一個MAIN COURSE，小的點了左邊的雜菌意大利飯，本身已經很芝士，加埋再落的芝士粉係勁芝士…呀，我PAN埋咗隻碟度影，睇唔到隻碟係幾大中間兜飯係幾細篤，但"筆"落去個窿原來頗深的，就是說粉量都好勁吓，食完都飽咁大半了。另外兩個是飯友點的。

再戰甜品，拿破崙餅可能放得久了，餅皮都有點林了…不過中間的CREAM很香口。而那個VANILLA奶凍飯友說有埋VANILLA籽在裡面，一睇…又係喎，用料很足的說。最後食埋個雪糕就收工了…

這個半自助BUFFET盛惠六百多元，都有其值得一試既地方既，好在我唔大食，都叫試得勻放出來的東東…不過大食的人…會唔會食唔飽呢？

SABATINI@OPENRICE

*****************************************************

很久沒去中環的札幌拉麵，自從佢搬了去交易廣場對面的地舖後我就沒幫襯過了，某日放工肚餓突然想起此店就在附近就想去食個拉麵啦。一入去…咦，多咗好多新野﹗魚生飯﹗試吓…

點了醬油漬吞拿魚生飯，魚生份量很多，食得很滿足，只是醬油的份量都很足，浸到啲飯很鹹，以我咁食得鹹都覺得鹹就真係好鹹啦﹗定食另附湯和前菜和一兜…應該是豬肉的東東。

90蚊加一大概一百蚊，跟平時食日食的壽司店價格差不多，不過佢叫做多一樣拉麵強項啦，可能見呢幾年市面多咗咁多拉麵店要搶吓生意吧﹗

*****************************************************

去泡菜國時都唔知MARKET O原來是名物(舊BROWNIE真係幾好味﹗)…跟住原來有古古力﹗不過呢個就普通啦…

*****************************************************

去太古城鍾菜飲茶…這個九蚊一粒的蝦餃有金箔的…巧京京。不過京極都唔夠隔離的小籠包京…好似無晒氣咁…囧﹗

 *****************************************************
Last but not least，一時至愛田太太原來三十歲咁耐的了﹗囧…仲換咗新包裝添﹗