[港劇]《隔離七日情》~隔了兩年的七日情…

前一套《居家兵團》終於都捱做完了﹗噢耶﹗~


後接的一套只要不太浮誇就可以的了。咁呢套新既《隔離七日情》雖然有點勾池(豬流感初爆發講緊兩年前啦﹗)，不過還是記憶猶新(原來沙士不經不覺…8年前了﹗)…而家又話有豬流感case，突然有套劇講當年酒店被封7日，就好似當年今日在回顧大事咁…同埋…真係要洗手洗手洗手呀﹗身邊好多人病的說﹗

(近期多在家吃飯…不幸看了《醫家有喜》和《居家兵團》…um…我真係好頂big兒唔順…)

• 對照番節目回顧，人面全非了﹗當年人腳有：陳鍵鋒、胡杏兒、郭晉安、林保怡、郭羨妮…再睇番小的博文…原來援交女角色本來係胡囧囧做架﹗而家變了羅mimi…想話佢都係我看點之一，佢沖涼時唱《婆媳冒險》(係容天后原版…如果唱小克版就不得了…呵呵呵…)﹗笑死我了﹗
• 看舊文話節目巡禮說這部劇是7日內一班人被困酒店而覺悟人生，我諗呢條線應該會有既，不過眾角的身份地位就變誇了(挷匪又有賊公賊婆跟住又援交女和偷情夫…)，應該會幾戲劇/卡通化既衝突…應該會幾多笑位吧？
• 唔知有無人覺得劇情不停會跳上呢層樓再落下層樓，跳嚟跳去之間會show大廈橫切圖和層數，唔知有無人講得呢吓又係抄呢…
• 除了《婆媳冒險》，阿挷匪頭萬波講波：「怕停汗」對「離晒譜」、街名又乜鬼豬欄街(我作的…sth like that)和牛坑里(也是我作的…我只記得豬和牛…)、國際巨星金句「我只係犯了天下男人都會犯的錯」，仲有被挷小朋友最愛的奶油豬…我覺得劇經喺啲細節(惡攪)野度都俾幾心機度呀﹗(聽到成虫那句時我係真心笑咗出嚟…)
• 據網絡大典載話有人覺得馬小生和郭羨妮似《龍鳳鬥》(咦，我喜歡劉華和鄭天后這部片呢﹗)…um…咁《龍》片無酒店background嘛﹗創作嚟架﹗btw，馬小生做呢啲風情得嚟啲古古惑惑的大賊幾有新鮮感﹗好過成日做《洛神》或《誘情轉駁》那種情癡啦…好悶…
• 無陳小鋒變了巴士高…因為佢搭住孖葉強拉犯人A同佢追9條街去捉犯人B…我笑到傻了…我決定追呢套﹗(其實拍既時候會唔會有好多即興爆肚位呢？)
• 巴士高阿頭係非凡哥﹗《洛神》裡的二哥和三弟重逢了﹗(這個pt很無聊…)，仲有大嫂郭羨妮添﹗巴士高個角色叫趙展龍，被非凡哥鬧佢「你係趙展龍唔係趙子龍」…嘩哈哈﹗又係三國喎﹗(我果然很無聊…)
• 欣宜個角色有啲《畢打自己人》個記者妹feel喎，其實佢演戲ok架，唱歌唔錯(雖然首派台歌我覺得佢感情用力有少少多咗…)，以前話有媽媽照住，呢幾年就行動證明佢對演藝工作有熱誠啦﹗佢呢個烏龍記者仔幾得意﹗得到我娘大讚(佢打入了媽媽界啦…)，加油，努力﹗不枉我當年就撐你﹗(原來係同巴士高合作過，唔怪得佢同巴士高在微博上咁friend底啦﹗)
• 阿鄧honey(oh﹗之前佢喺《刑警》個犯人角色印象太深…我仲記住佢個精神分裂一邊眼流血郁)做蠢仔bellboy幾好笑(特別係佢同萬波啲對話…)…但我想問佢咁擺個小朋友喺餐車度推嚟推去佢唔會死嗎嗎嗎嗎嗎？

暫時睇了兩集感覺幾好，堅好笑的(XDDDD)，又睇吓我頂唔頂到七日…會睇第八集呢？XDDDD(另，《仁心解碼》之前睇過了，也是一部堅好睇的，個故仔有啲《神探+你略》撈《妙手仁心》，不過以TBB史單特嚟講又撈得有紋有路，正經溫情攪笑兼備，是好看的。不過最煩係…又有二少…使唔鬼使咁多呀﹗維基說播完《七日情》後《ONLY YOU》又有二少客串…我睇到想嘔啦﹗話時話，馬小生都隔住嚟兩套…好煩囉﹗)

[港/韓劇]《On Call 36 小時》、《婦產科的女醫生》
(這篇都有講到少少《仁心解碼》)

隔離七日情@維基