勇闖重慶~華加士餐廳

原來唔覺唔覺呢個重慶咖哩初體驗已經係11月的事…呀…我係咪應該出番個前篇和後篇總結吓呢餐飯既事前事後心情呢？

(之前一直沒去過重慶吃咖哩，只看過《重慶森林》，印象是黑麻麻咁…。跟住近期睇《吃喝玩樂每一區》((無記經典台常重播的，由大王、韓君婷和蓋世寶主持))先知原來重慶裝修過，雖然還是逼滿人，但已經乾淨企理很多，而且是燈火通明的…)

咁我係第一次去嘛，咪跟住去過的飯腳行囉…一馬當先的飯腳就被大堆人圍住，佢地不停遞傳單…囧﹗然後本地食蕉哥哥走埋嚟說我地一早講明去邊間，邊間食店的代表就會走嚟引路，那末我們就不會俾人圍了…囧﹗原來係咁…

4樓的這家食店好似屋企改裝，白色牆然後係枱和櫈，再加之於門口的鐵閘…真係好民居改裝feel…囧。

上圖個洋蔥圈…係好好味﹗其實平時我唔食洋蔥的…但呢個炸起的例外，外面脆洋蔥食落甜甜地…哈﹗我背叛了某不吃綠色加味食品的飯腳了…呵呵…

鐵板上的天多利雞…熱騰騰的上好開心~(無記錯11月去食的那天係有少少凍既已經)…。基於我對印度食物應該係點無乜concept，我係覺得紅色的香料味有點辛辣…跟住舊雞有啲乾…不過都ok既…

咖哩我地應該係叫咗…豬和牛掛？﹗oh…口味是甜甜的很易入口…應該係港式ized了吧？﹗細細碟肉很快就全給吃掉了，個汁用來點薄餅一流的。

如果我無記錯呢個應該係薯仔薄餅，另外仲叫了個原味薄餅…加一點咖哩汁食真係一流…。卒之我們好似係encore多一份的說…

個薯仔味好似係有蔥呢款…又係我背叛飯腳的時候…因為我係食蔥油餅架﹗只要不是pshyically一粒蔥…要咬和感受到佢既存在…我就會食的了﹗薯仔這個就咁食都係可以的，餅裡面有少少的一層薯仔肉的說。




忘了是甚麼名堂…甚麼牛肉(應該有吧？)炒甚麼薯仔。是很好吃的。(奇怪我地一行六人((應該係吧？))竟然唔使食麵飯，只吃薯仔和薄餅呢啲碳水化合物嚟飽肚…)

馬…拉…蒂…甚麼的奶茶，茶香味濃而且很滑，也是很好味的。










**********************************************
我甚麼都說忘記了…但這店食物是頗美味而且不貴的(當然我也是忘了幾錢…飯腳好似有卡好似係有折…)…也是值得去翻兜一吓的。

華加士餐廳@openrice