轉眼已經一年…但我還未彈得出一首似樣的《過雲雨》啊…
台上一分鐘台下十年功是對的啦，離上一篇《學琴記》已經半年，拍子捉不好毛病還在，近兩個月工事忙到歌仔也不能練好，硬著頭皮在老師面前表演天籟之音…真係灰爆…明明可以做得好一點嘛。…我諗唔係咁快去到樽頸掛？前兩個月因為公事忙和
日文試的關係練得很疏和很懶…
即係呢…呢水自己不進則退囉…唉呀…唔知係咪搭車時凍到手指頭都硬晒，明明在家彈得好地地的歌仔到課室時居然彈得一pat野咁…看著miss頭上的三間…呃…
本來頹爆的時候miss突然提起考級的事，提出的方案有2，一個係要超級努力，一個係可以舒服啲，今年8月考完就明年4月可以去試4級，小的無乜大志地選了舒服啲既方案…反正可以跳級嘛﹗即係呢，先來小試牛刀，然後先去試再高一點的程度好像比較可取？﹗
本來覺得進度卡住卡住而悶悶不樂時(最近彈緊的一首歌真係唔知點解彈極都唔似樣…唔通真係因為天氣太凍手指頭都硬了？﹗囧)，而家有個新既挑戰放在眼前…突然好似有番心機呢~(不過要在人前彈琴…其實小的很淆底的…有次有個監堂的阿姐sit堂小的就亂了起來…oh…)
2011，會很好玩的說~(怎麼一開始說想彈嚟玩，而家越攪越多野出嚟…囧)
一把年紀之：
一把年紀學琴記(中)
一把年紀學琴記(下)
學琴好丫，學識咗得閒可以彈下自己鍾意嘅音樂，等我都叫我姨甥教我彈下他學過的那些。
回覆刪除miss頭上的三間，有三間咁多咩？我估你睇錯啦吧，雖然我唔知喺乜方案，選舒服啲既方案無咁大壓力。
首歌唔好彈，可唔可以叫miss換首無咁難彈的呢？
10th Jan 2011 00:50 AM
學野對我嚟講係減壓，覺得自己一路有新野input，好始有進步咁個人都會開心啲，而且又可以分散吓工作的壓力，唔想自己個世界只有工作囉~
刪除所謂方案其實都是選個級來考，這兩個星期開始練考級的東東，都ok喎…雖然我怕考試，但又鐘意用考試嚟肯定自己程度…都係犯賤架啦…不過唔會讓自己太辛苦就是囉…
首歌彈了兩個星期都係一pat野咁，所以跳了去後面那首…又無野喎﹗只能說…我拍子係差啲既…
24th Jan 2011 13:22 PM
學任何一樣嘢都貴乎恆心，而學琴最重要係每日練習...如果你睇到呢句嘅反應係：「我冇時間每日練喎...」咁以下嘅幾段你都可以唔睇架喇，多謝。
回覆刪除學琴一年彈唔出似樣嘅《過雲雨》係正常。我記得當年我學琴，開頭兩個幾月都係以彈單音嚟練拍子，唔知你/你嘅琴老師有冇咁做？
到學咗半年左右，琴老師就要我用一本叫Hydan嘅琴書(Hydan係作曲家) 嚟練手指，全本書都係drmfsltdtlsfmrd...之類嘅旋律。
一年對學琴嚟講只係好初步，而一般寫流行曲嘅人，都應該有九級、演奏級以上嘅造詣。所以，如果你想好自如咁彈流行曲，我諗至少3、4年左右啦──仲係每日練習嗰隻喎。
10th Jan 2011 08:17 AM
恆心的確很重要…不過事忙和考試的日子都過去了…而家每晚可以練半至1小時，彈完就去瞓，感覺很滿足的…
刪除學琴之前朋友介紹我用alfred's adult piano course嚟pickup番，於是miss就一路都用呢本書，bk 2啲歌仔有啲好難，彈兩三個星期都唔似樣…囧﹗
miss選了beyer來練手指，而家再多一本everybody likes piano，我諗佢驚我悶所以不停講本書的好處…但其實我覺得ok的，打番好個基礎再上嘛，而家都好似未太識放鬆手腕，特別係左手…好易攰…我諗彈吓呢啲練手指的書日子有功再彈番琴書的歌仔會好好多…
而家我只彈上堂用的琴書，完全放棄試番pop song了…期待練到有一日彈得到啦~呵
26th Jan 2011 10:59 AM
其實o係屋企練到幾熟, 去到老師面前都一定會走d樣, 所以我覺得考試一take過真係勁無信心...如果你要考琴, 就要買拍子機喇, 到時聽住練, 練熟左d拍子就會準番...
回覆刪除流行曲又好似早左d wor, 彈唔到好正常je, 慢慢黎啦...
10th Jan 2011 17:11 PM
拍子機我下了IPHONE的APP…其實我最驚係彈唔慣考試場地個琴，有時行過琴行入去攪吓，有次攪個GRAND直頭重到唔知點彈，平時上課的琴行個UPRIGHT應該彈了好耐，琴鍵很鬆的…我諗臨考試要去租琴室練習吓了…
刪除彈到我喜歡聽既歌係一個目標嚟既，刻下我還是好好練琴書入面既歌仔先囉…
3rd Feb 2011 19:11 PM