8th Little Life - 電影

如果講電影呢，就要分係入戲院睇定煲vcd/租帶(仲有人記得金獅/快圖美嗎？﹗哈哈)((已經來到第八回了﹗﹗﹗))

這部是我小時最有印象，記得喺屋企叫娘租俾我睇後，到親戚家作客再叫他們租多次俾我睇，當年一星期租了三次…勁掛﹗

已經記不得點解會咁鐘意睇(可能因為我從小就喜歡聽梅姐…)…睇完…哥哥真係超級靚仔…(小時我以為哥哥和梅姐真係兩公婆…哈)…個故事超慘…結局我哭了好多回呢…(小朋友應該唔明如花既無奈吧？﹗)…同埋，睇完後有段日子不敢夜晚喺西環附近坐電車…好驚撞鬼呀﹗(但我係驚撞《鬼新娘》王小鳳那種鬼…)

劉華uncle我有兩套飛佛：《雷洛傳》和這套《91神鵰》，注意係91唔係92喎﹗因為兩部都有郭城城﹗特別係銀狐…真係勁到呢…

《赤腳小子》喺當年一堆糖衣偶像片入面(《千面天王》、《倫文敘老點柳先開》…好記得)好突出，因為佢係一部完全正經的片，角色配合郭城城當年稚氣而又跳跳紮既活力形象(=傻氣，好殺架﹗)，講佢從鄉下出嚟胡裡胡塗的攪出大禍，仲害人害己，結尾出《留下句號的面容》插曲時真係睇到想喊﹗嗚…然後吳倩蓮叫小朋友一定要識寫自己個名又讓我心抽了一抽…張曼玉和狄龍大哥一段也讓人嘆氣呢…

啊，除了這部，有套遠古啲和劉玉玲(？﹗)、李修賢合演既《伴我縱橫》也是很好睇，但郭先生角色差不多都係小子乙件，戲路頗頗窄的說…

柏原崇喺《情書》入面，在那下午陽光照進來的圖書館度斜望過來那一野真係好殺死人吓的(=P)，那隻VCD俾我睇到差點兒要爛了，故事淡淡然但卻讓我看完後久久不能忘懷…如果女阿樹早啲睇到男阿樹畫喺圖書像借書卡上面既畫像就好啦…啊…不過早知又無野講啦喎﹗

小時我係無印象睇過乜西片，最記得係呢套《Batman Returns》…Cat Woman怎麼可以型得咁緊要架？﹗(也令我一度驚俾貓咬…=P)從此逢明珠台播我都會坐低睇的說。前前後後幾集唔係唔好睇，但個場景俾添布頓攪到黑麻麻，深深的印在我心裡成了史單特，再睇番其他集數少了呢啲setting總覺怪怪地。有年偶然布國際台見到1966年那集…嘩﹗﹗﹗﹗呢套先係真經典呀﹗

呀﹗諗住數五套我最愛既…點知少了周星星喎﹗無辦法啦，貼番舊文link算啦(仲有呢篇)。
***********************************************
上面既大部份都係租帶/煲碟的，因為當年一家四口入戲院睇戲皮費幾重，爹娘都傾向等出帶再租回來睇(租俾我睇係好抵既，一餅《賭俠》我可以一日睇三次﹗)，同埋煲明珠930，所以呢…我有印象入戲院睇既戲…都已經講緊…《上海灘賭聖》了﹗

上中學後有零用可以約朋友仔去睇戲，有時不特別恨睇該片，只為有個機會和朋友仔hea吓出街…(大概只有《鐵達尼號》 係例外…那3次有兩次我係我撩人一齊睇的…但而家睇番呢套又覺得不甚了了((當然特技係好勁啦…))，里安哥的戲…本人首推《一切從心開始》同《茱麗葉》…真係靚仔好多架﹗)入U後就看得更瘋，因為學校附近商場有大間戲院嘛，有timegap就入去睇場戲，唔使諗去邊度hea，幾好。所以咪睇睇埋埋咁多爛片囉…(同時也要多得有線 電影台 既…)

畢業後睇得更多，奇怪的是很多時都係一個人去看，小的很喜歡入到黑黑的電影院裡甚麼也不用想，只管坐著看著銀幕就可以了，有種避世隱居的感覺，於是day off日子幾乎都是去看場早場…平嘛﹗同埋已經儲落好多VCD/DVD了…也不想再增多雜物，睇完覺得好睇既先買番隻碟儲。

近期，小的很喜歡《飛砂風中轉》和《志明與春嬌》，等緊出碟呢﹗呵。