年紀大的佐證

雖然我還會(滿厚面皮地…)為人家將我真實年齡估低了而沾沾自喜…不過呢啲野又點可以自欺欺人呢…

1. 身體差了很多。很容易周身唔妥。最近係條腰…捱一晚夜要睡上幾天才復原。傷口好似耐咗先埋口…難道…身陳代謝已經…上幾層樓梯又氣喘…。(怎麼辦？怎麼我覺得我在寫老人家既身體狀況既？﹗)
2. 很喜歡想當年…(這個其實我從小已喜歡…)然後驚覺…吓？乜已經係x年前既事，而呢個x，開始會等如雙位數字…囧﹗
3. 會花錢追尋返兒時失落的點點滴滴。 因為怕時日無多，所以更覺要做就快啲做…(於是…本來已經無耐性變得更沒耐性…)
4. 身邊人不是結婚就生仔，買車又買樓。做呢啲事既人有大過自己既，細過自己既都有囉…
5. 意識(終於﹗)到有個錢傍身的重要。驚老咗無人養會餓死街頭。於是很喜歡研究各式保險計劃。但對投資還是一竅不通。
6. 很 怕自己會out。雖然我的工作沒要永甚麼專業技能…不過都應該居安思危怕後浪會沖走前浪嘛…很不願意還是會諗一吓自己的career path…不過諗完總係無結論。也希望事業有點成就，reward包括實質和不實質的。請不要只和我講心，也不要怪我總是講金，世界難撈。
7. 置身旺角完全彷如隔世。都係老銅感覺良好啲。…越來越怕人多既地方。也越來越喜歡獨留在家，一個人在家都可以上網和朋友互動，很宅…
8. 覺得(竟然﹗)真係一代不如一代。當年hea住讀書的我，今天竟然會走去勸小朋友努力讀書…雖然我唔知讀得書多就等如有美好將來…
9. 越來越喜歡《笑傲江湖》。從前我既飛佛係《神鵰俠侶》喎﹗
10. 無火。因為有啲事發咗火都改變唔到啲乜。

*****************************************************
從前寫過一篇這樣的恕恕唸，之前(=前幾年)被人說樣子好年青小的還是滿沾沾自喜的，但到了呢一兩年…開始覺得有點不對路。和客人傾計…居然仲有問我做咗野幾多年，知道答案後露出一副不可置信的樣子﹗(人家估我…仲係估…畢業兩三年…好在唔係估我剛畢業)…我該高興還是囧呢？﹗

還好的是，因為在現司好幾年，junior的同事都知小的係相對senior的，所以會俾幾分薄面(雖然小的常說title係虛名，但原來小朋友們真係睇title嚟俾面…這時候…哈哈哈﹗即刻有啲飄飄然…)