豬骨湯拉麵

看了影兄的階段，不禁想起我和它的一段情…

 未癲豬骨湯拉麵…

酷愛即食食品的本人食盡超市或叮或煮的貨式，十居其九都係失望而回(詳見本人舊文：形似神不似@叮叮食物)，不過，本人依然屢敗屢戰…

對叮叮野食敬而遠之，但即食麵卻似著了魔的，久不久總愛煮個來吃(雖然冒著被阿媽鬧食得多無益的危險…)。多年首選是出X一丁，以前至愛是咖哩味和海鮮味， 咖哩味湯底的濃烈可比真咖哩，香的程度直迫卡XB咖哩味薯片(小學時我癲到食呢味的一丁時會開包薯片點湯食)，只是食完短時間內唔洗隻碗的話湯底的鮮黃色就會洗唔甩。後來唔知係我口味高咗(但依舊愛食即食麵)，還是一丁味道變淡咗，咖哩味和海鮮味食落都變得淡而無味，就唯有移情別戀去新出的豬骨湯拉麵。可惜我吃過日式拉麵店的拉麵，總覺麵不夠彈牙湯不夠香濃。

代替品未癲拉麵我覺得係最誠實的即食食品，佢明買明賣，縱然包裝上碗麵有一大塊肉，但從透明packing可清楚見到入面係無呢塊肉送，要買就買﹗ 煮完食落肚…和到門市食的…其實個味又差不多…咁我仲要比三十幾四十蚊食？﹗無餸唔係問題，烚隻蛋一樣好味，反正一碗已夠飽，個胃已無多餘空間塞多塊豬扒。我嗰頭無日式超市，想食拉麵未癲就最就手，食落合格有餘，近期熱愛﹗

雖然，煮佢仲煩過出X一丁，食完成口鹹的感覺可比合X道杯麵…

另外的：
我是這樣煮麵之妹仔大過主人婆
傳菜第八棒：拉麵﹗