[港劇]《烈火雄心2》

燈蛾 郭富城

你盼再多 竟有理據更多 靜候又怕磋跎 計算再多 豈有計算到好結果
冷眼再多 祇是勇氣更多 自願做隻燈蛾 叫喊再多 想豁出的更多
衡量自我 擺脫恨與禍 流汗 滴血 才可清楚 何時開始
俗世中的我 忙亂中的我 迷惑中的我 竟會怯懦

不費怎麼 收正果 現在清楚 危難中的我
流汗中的我 流淚中的我 不會怯懦 生命能一息間發光 頻危中也願救助
------------------------------------------------------------

我終於知碧瑤係邊…. 不過我嘅疑問都係未解開….
點解蝴蝶灣(元華)個局救嘅火(海上嘅)要碧瑤(王喜)同鰂魚涌(方中信)局啲人去救埋一份?????

後記:

王喜做阿爸都幾有說服力，帶女洪郎做得好唔多唔少都歸功囡囡成嘉螢(好似唔係咁寫...個名)....呢個細路女真係係人見到都想搣吓佢，大結局時賺了本人不少熱淚，之後王喜無咩拍無記嘅劇...瑤瑤嘅出鏡率亦少咗....

剛播嘅《天幕下的戀人》有兩大驚喜，首先係黃宗澤，個角色一出場就笑鬼死我(當然做阿爸嘅王俊棠都居功不少，雖然我鐘意睇佢做鰲拜多啲)。另一個就係久別螢幕嘅瑤瑤，佢keep得好好呀...個樣同身型...一眼就睇得係佢；只係高咗好多，真係有啲擔心佢會好似多年前嘅馮志豐咁由童年郭靖做到《人在邊緣》少年犯，畢竟似唐寧咁成功由童星做到女主腳真係絕無僅有...

其他王喜劇回顧：
[港劇]《霍元甲》...《緝私群英》 10/2/06
[港劇]選擇的尊重@《雷霆第一關》 2/5/06
[港劇]《烈火雄心》之１＋２＋３(一轉眼就去到09年了…)
[港劇]追電視好忙：自己人+王老虎+烈火3

[港劇]《烈火雄心3》~再見阿牛
熱煲系列5~：王喜篇
[港劇]《囧探查過界》之何謂囧探

24/10/15：雖然無乜人會睇，但我偶然久不久就好想review吓舊文(呢啲十年前的…巧京京﹗)，即係呢，呢十年裡《烈火雄心》系列完咗，喜爺亦離開咗無記，到國內也拍了一些跟消防員相關的劇集，但…離開咗香港，制服未見過，人腳唔熟悉，情懷就不一樣，而我…其實都好耐無開電視追住嚟睇完一套劇…有啲野過咗就過咗…得閒開吓舊文回味吓就好了。